 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
'د ٢٥ مليارده ډالرو نورې مرستې غوښتنه به وکړو' | |||||||||||||||||||||||||||||||||||||||||||||||||||||||||||||||||||||||||||||||
افغان دولت وايي د پاريس په کنفرانس کې به د ٢٥ ميليادره ډالرو د مرستې غوښتنه وکړي . په کابل کې د بسپنه ورکوونکو هېوادونو يو ې غونډې ته د افغانستان د ماليې وزير وويل ددې غوښتنې طرحه يې نړيوال بانک ته استولې ده . په کابل کې د مرستندويه هېوادونو په يوې سترې غونډې کې مرستندويو هېوادونو منله چې د تېر پرتله به له افغانستان سره د مرستو ډېره برخه د افغان حکومت له لورې په لگښت رسول کيږي . په داسې حال کې چې له افغانستان سره د شوو مرستو د ښه اغېزمنتوب د نشتوالي له امله له نړيوالو بسپنه ورکوونکو هېوادونو، او عادي افغانانو سره ډېرې پوښتنې پرځاى پاتې، افغان دولت له نړيوالو بسپنه ورکوونکو څخه د نورو ميلياردونو ډالرو د مرستې د غوښتې خبره کوي . د افغانستان دنوې پنځه کلنې تگلارې له مخې چې اوسمهال نړيوال بانک ته استول شوې د نورو ژمنو شوو مرستو تر څنگ د شاوخوا ٢٥ ميلياره ډالرو د مرستې غوښتنه شوې . د افغانستان د ماليي وزير وويل که څه هم تر دې دمه کوم نړيوال بسپنه ورکوونکي هېواد ورته د کومې ځانگړې مرستې ټټر نه دى وهلى، خو په وينا يې له افغانستان سره بسپنه ورکونکي چې په سر کې يې امريکا راځي د دوې د وړاندې شوې غوښتنې په اړه مثبت فکر کوي . احدي چې د امريکا دنړېوال پرمختيايي ادارې يواس ايډي USAID له مشرې هينريتاريچ فور سره گډې خبري غونډې ته غږېده وويل بسپنه ورکوونکي هېوادونه به له افغانستان سره د خپلو مرستو دقيق رقم د فرانسې په کنفرانس کې چې ټاکل شوې په راتلونکې مياشت کې ترسره شي، په ډاگه کړي . د امريکا دنړېوال پرمختيايي ادارې يواس ايډي USAID مشرې هينريتاريچ فور هيله وښووله چې، هېواد به يې د مرستې له اړخه افغانستان يوازې نه پريږدي . د اغلې ريچ ټينکار هم تر ډېره په دې و چې د کېدونکو مرستو ډېره برخه به د افغان حکومت له لوري په لگښت ورسول شي . مېرمن هينريتاريچ فري هيله وښووله چې، د کېدونکو مرستو له لارې به يو شمېر افغانانو ته د کار زمينې برابرې شي . د افغان دولت او بسپنه ورکونکو هېوادونو دغه ناسته د پاريس د کېدونکي کنفرانس لپاره د پايليزه چمتووالي لومړي اقدامات بللي دي . ټاکل شوې چې د روان زيږديز کال د راتلونکې مياشتې په ترڅ کې په پاريس کې له افغانستان سره مرسته کوونکي هېوادونو سره جرگه شي . | ورسره تړلي نور خبرونه  کابل کې د مرستندويه ټولنو ناسته جوړيږي20 اپريل, 2008 | خبرونه هالنډ له افغان کروندگرو سره مرسته وکړه16 اپريل, 2008 | خبرونه کابل له گاونډيانو نه غنم پيري .16 اپريل, 2008 | خبرونه افغانان ٦٠ زره ټنه خوراکي توکو ته اړتيا لري14 اپريل, 2008 | خبرونه 'د پاکستان مرسته د افغانستان مساله حلوي'14 اپريل, 2008 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
