اوس په افغانستان کې تر دوو ميليونو ډير وگړي گرځنده تيلي فونونه کاروي

په ځينو ولايتونو کې بيا دغه گنگوسه په يوۀ بل ډول خپره شوې وه او ويل کيدل چې که دغه ډول شميرې ته ځواب وويل شي نو گرځنده تيلي فون چوي او کارونکى يې ځاى پر ځاى وژل کيږي .

د دغو گنگوسو له خپريدا سره سم افغانانو خپل خپلوان خبرول چې هغو شميرو ته ځواب ورنه کړي چې نه يې پېژني .

چارواکو دغه گنگوسې بې ځايه وبللې او په ځايي رسنيو کې يې د عام ولس د ډاډگيرنې لپاره وويل چې داسې کوم خبره هيڅ حقيقت نه لري .

داسې اټکل دى چې دغه گنگوسه له پاکستان څخه افغانستان ته رارسيدلې ده . ويل کيږي چې تيره اوونۍ هلته هم دې ته ورته خبرې روانې وې .

په افغانستان کې د اوس لپاره د گرځنده تيلي فونونو درې شبکې فعاله دي او څلورمه يوه يې د چارواکو په وينا په څو اوونيو کې په فعاليت لاس پورې کوي .

د طالبانو له نسکوريدو را هيسته په افغانستان کې د شوې پانگونې لويه برخه د مخابراتو په څانگه کې شوې او د رسمي شميرو تر مخه اوس په افغانستان کې د گرځنده تيلي فونونو تر دوه نيم ميليونه ډير کارونکي شته دي .