له دې سودا سره به د اسپانيا تيلې فونيکا شرکت د نړۍ دويم تر ټولو ستر موبايل شرکت شي .

تيلې فونيکا په هيله ده چې د ( او٢ ) شرکت په ترلاسه کولو به د برتانيا او جرمني په بازار کې لويه ونډه ترلاسه کړي .

( او ٢ ) په برتانيا او جرمني کې په ميليونونو مشتريان لري .

تيلې فونيکا د نړۍ د ګرځنده تيلې فونونو يو ستر شرکت بلل کيږي چې په اسپانيا او سويلي امريکا کې خورا ډير کاروونکي لري .

د خبرونو ترمخه تيلې فونيکا د ( او ٢ ) لپاره د ٣١.٦ ميليارده ډالرو بولۍ ورکړې چې منل شوې ده .

د دغې معاملې ترمخه به تيلې فونيکا د ( او ٢ ) شرکت هره ونډه په څه کم درې نيم ډالره رانيسي .

په دې وروستيو کې د هالند کې پي اين او د جرمني تيلې فون شرکت دويچ تيلې کام هم هڅه کړې وه چې د برتانيا دغه ګرځنده تيلې فون شرکت رانيسي .

تيلې فونيکا سلا شوې چې د ( او ٢) تر اخيستو وروسته به هم دغه برتانيوي شرکت خپل نوم او اوسني کارونه پر ځای ساتي .