عبدالحى کاکړ پېښور

	نن ماسپښين د پاکستان په لاهور کې هم يوه چاودنه شوې چې لږ تر اږه څوارلس تنه يې ټپيان کړي دي

چاودنه نن سهار د پيشتخرې د پوليسو ماموريت ته څېرمه رامنځ ته شوه. دا په باجوړ کې پر يوې دينې مدرسې د پاکستان د حکومتي ځواکونو تر بريد وروسته چې ويل کېږي اتيا تنه په کې وژل شوي وو، دويم دا ډول بريد دى.

تېره مياشت يوه ځانمرگي بريد کوونکي پېښور ته نژدې د پوځ د روزنې پر يوه مرکز بريد کړى او لږترلږه ٤٢ پوځيان يې وژلي وو. د ځايي پوليسو يو مشر وايي چې ځانوژونکى څې يوازې دوه پښې يې موندل شوي، پېژندل شوى دى.

د هغه په وينا دغه کس د برقي شيانو ترميموونکى نديم نومېده او ځايي اوسېدونکى و . د هغه په وينا نديم په دې وروستيو کې له اورپکو فلمونو او مذهبي مسايلو سره مينه ډېره شوې وه او شپې شپې به يې په جوماتو کې تېرولې.

وروستۍ چاودنې په پاکستان کې د ولس او چارواکو اندېښنې ډېرې کړي، خو داسې نه برېښي چې ځانگړي اقدامات دې شوي وي.

له بلې خو نن ماسپښين د پاکستان په لاهور کې هم يوه چاودنه شوې چې لږ تر اږه څوارلس تنه يې ټپيان کړي دي. پوليس وايي چې دا چاودنه قذافي لوبغاړي ته نژدې د چټليو په يوه بيرل کې د ايښودل شوي بم له امله رامنځ ته شوې ده.