ښاغلئ اېډمز ټينگار کوي چې لومړئ وزير ټوني بلير بايد په دې برخه کې پټه خوله پاتې نشي

ټاکل شوې ده چې لومړئ وزير ټوني بلير دا اوونۍ پاکستان ته سفر وکړي او هلته د پاکستان له پوځي واکمن پرويز مشرف سره وگوري . د بشري حقونو د څار ادارې ، داسې اسناد راغونډ کړي دي چې وايې د پاکستان د امنيتي څانگو له خوا د ترهگرۍ په وړاندې جگړه کې زور کارول شوئ دئ .

د بشري حقونو د څار ادارې په يوه خپره شوې وينا کې له لومړي وزير ټوني بلير څخه وغوښتل چې په پاکستان کې له پوځي واکمن پرويز مشرف سره د خبرو پر مهال د کړولو او شکنجې په وړاندې د خپل هيواد په تگلاره کلک ودريږي .

د بشري حقونو د څار د ادارې د اسيا د څانگې مشر برډ اېډمز وايې ، تيري او ځورونو په پاکستان کې پراخه وده موندلې او د ترهگرۍ په وړاندې ددواړو هيوادونو ترمنځ د اړيکو ټينگښت ډير اړين دئ .

ښاغلئ اېډمز ټينگار کوي چې لومړئ وزير ټوني بلير بايد په دې برخه کې پټه خوله پاتې نشي . د بشري حقونو د ځار ددغې ادارې په خپره شوې وينا کې راغلي دي چې ، دصلاح الدين امين په نامه يو برتانوئ چې په دې هيواد کې د بمونو د الوزولو په تور د ٢٠٠٥ کال د فبرورۍ په مياشت کې د قضا په امر ونيول شو

رسنيو ته وويل چې له نيولو څخه يې وړاندې په پاکستان کې د لسو مياشتو لپاره په ناقانونه ډول بندي شوئ او ځورول شوئ دئ . ښاغلئ اميېن ادعا کوي چې ئ د پاکستاني چارواکو له خوا په روحي او جسمي ډول کړول شوئ او بيا د پاکستان د څارگرو ادارو له خوا برتانيا او امريکا ته د يو ترهگر په توگه ورپيژندل شوئ چې اوس يې محکمه په برتانيا کې روانه ده .

د څار دغه اداره وايې ، د پرويز مشرف د واک په وخت کې د پاکستان د ملکي او پوځي چارواکو له خوا د ربړولو او کړولو لمن پرخه شوې ده .