د حضرت علي كرم الله وجهۀ پر روضي د جنډې په جګولو سره نوي لمريز كال په افغانستان كي پيل شو.

په دې مراسمو كې د افغانستان د ولسمشر دويم مرستيال كريم خليلي تر څنګ د كابينۍ او پارلمان يو شمير غړو او ځينې سيمه ييزو چارواكو ګډون كړى وو.

ښاغلي خليلي د روضي په مراسمو كې په غير مستقيم ډول ځايي چارواكي او سياسي ګوندونه د يو بل زغملو ته وبلل.

په روضي كي هغو ګډونوالو سيلانيانو چې له نورو ولايتونو څخه راغلي وو له امنيت څخه خوښي وښوده.

د ښځو د چارو وزيرې مسعوده جلال د افغانستان له له مقننه ،قضايه او اجراي ځواك څخه وغوښتل چې په هيواد كې د ښځو د ستونزو په اوارې كې آسانتياوي راولي.