په مزار شريف کې به د سخي صاحب جنډه پورته کيږي .

د دغو دستورو لپاره کلک امنيتي گامونه پورته شوي دي .

په مزار شريف کې هم له سختو امنيتي گامونو سره د حضرت علي په روضه کې د جنډې د پورته کولو مراسمو ته تابيا نيول شوې ده .

د مزار شريف له ښاره درې څلور امنيتي کمربندونه تاو شوي دي . زموږ همکار حنان حبيبزى وايي چې د کابل - مزار شريف تر منځ په لويه لاره د گاډو گڼه گوڼه خورا ډيره ده او خلک هڅه کوي چې مزار شريف ته ځان ورسوي .

په کندهار کې زموږ د خبريال ميرويس افغان په وينا خلکو نوې جامې اغوستي دي او ډله ډله خلک د خاک ريز ولسوالۍ ا و ارغنداب ولسوالۍ ته روان دي چې د شاه اغا او بابا ولي په زيارتونو کې مېلو ته ځان ورسوي .

د کندهار له ښار څخه هم امنيتي کړۍ راتاوې شوې دي .

په ننگرهار کې بيا د مشاعرو او کانسرتونو تابيا شوې ده . د افغانستان مشهور سندرغاړى رحيم غمزده له څو کلنې جلا وطنۍ وروسته جلال اباد ته رسيدلى او هلته يې کانسرت ورکړى دى .

زموږ همکار ببرک مياخيل وايي په جلال اباد کې د بزگر ورځ هم نن د پسرلي په وياړ لمانځله کيږي .

د لغمان ولايت په مرکز مهترلام کې هم ځانگړې مراسم د نوي کال په وياړ په پام کې نيول شوي دي .

په خوست کې گڼ شمير ځوانانو د اټن دوديزې جامې اغوستي دي . زموږ همکار کمال سعادت وايي د خوست پوهنتون له ودانۍ سره د بزگرانو مېله هم په پام کې نيول شوې ده .

د خوست ښار شاوخوا په غرونو کې مېلې پيل شوي دي .

د افغانستان په نورو ولايتونو کې ځانگړې مېلې پيل شوي دي .

د خوست په ولايت