عبدالمالک عاصم له کابله

	د ټيليفون د بيو د ټيټوالي لامل د نوري فايبر او د گرځنده تيلې فون په برخه کې د دوو نورو کمپنيو راتگ گڼل شوى

د مخابراتو وزير امېرزي سنگين د ټيليفون د بيو د ټيټوالي لامل د نوري فايبر او د گرځنده تيلې فون په برخه کې د دوو نورو کمپنيو راتگ وښوود.

د افغانستان د مخابراتو وزير امير زى سنگين وايي په افغانستان کې د تيليفون بيې ډېرې لوړې نه دي . او په ډاگه يې کړه چې د دوو نويو شرکتونو په راتلو سره به په افغانستان کې د ټيليفون بيې ټيټې شي.

دده په وينا دغه شرکتونه د مشتريانو د پيدا کولو لپاره مجبوره دي چې خپل قيمتونه ارزانه کړي .

ښاغلي سنگين وويل په افغانستان کې د ټيليفون د خصوصي شرکتونو ترمينځ تازه سيالي پيل شوې .او د څلورو مياشتو دننه به د څرځنده ټيليفون درېم شرکت هم په کار پيل وکړي چې د لبنان د هېواد څخه د( انوسټ کام) په نوم شرکت دى او ٤ هم د راتلو په حال کې دى .

دم گړۍ په افغانستان کې يوازې دوه شرکتونه فعاله دي .

ده وويل د تجربو له مخې د دې سيالۍ په پراختيا سره د ټيليفون بيې د ارزانه کېدو په درشل کې دي .

دۀ باور وښوده چې دغه بيې به تر دوو افغانيو هم راټيټې شي

د مخابراتو وزير د تيليفوني خدمتونو د بيو په ټيټوالي کې بل مهم ټکى د نوري فايبر فعاليدل وښول .

دا وخت د افغانستان لپاره دغه مخابراتي اړيکي د مصنوعي سپوژمکۍ له لارې ټېنگيږي.

خو نوري فايبر د ټيليفون هغه نښلونکې دستگا وې دي چې له يوې سېمې نه بلې ته مخابراتي اړېکي د وړانگو په مټ ټينگوي .

ښاغلى سنگين زياتوي چې د نوري فايبر پروژه به د درېيو کلونو په ترڅ کې د ٧٠ ميليونه ډالرو په لگښت سره بشپړه شي . او هغه وخت شخصي کمپنۍ هم کولاي شي د يوه تړون پر اساس ترې گټه واخلي . خو هغه مهال يې هم د مصنوعي سپوږمۍ د اړتيا يادونه هم وکړه .

دمخابراتو وزير وايې دغه پروژه به د افغانستان د حلقوي سړک پر سر ولگول شي. او په پام کې ده چې گاونډېو هېوادونوته هم وغځول شي .

ده دا هم وويل چې د بريښنا او انرژۍ کموالي هم ددې لامل شوي چې خصوصي کمپنۍ د خپلو دستگاوو د فعال ساتلو لپاره زياتې پيسې د تيلو او جنراتورونو په اخيستو ولگوي . او په وړاندې يې دټېلېفون قيمتونه لوړ شي خو د مخابراتو وزير هيله وکړه چې د دريېو کلونو په اوږدو کې دا ټولي ستونزې حل شي .

د اقتصاد نور پښتو خبرونه د دې ځاى په کېکاږلو ترلاسه کړئ