 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
هند پاکستان ته يو وار بيا ماتې ورکړه | |||||||||||||||||||||||||||||||||||||||||||||||||||||||||||||||||||||||||||||||
د هند کريکټ لوبډلې پاکستان ته خپل سفر پر يوۀ بل بري پاى ته ورساوۀ . په کراچۍ کې نن د يکشنيبې په ورځ ( د سلواغې ٣٠ د فبروري ١٩ ) هندوستان د پاکستان لوبډلې ته په پنځمې او وروستۍ يوې ورځنۍ لوبې کې په اسانۍ ماتې ورکړه او دغه لړۍ يې ٤-١ وگټله . پاکستان لومړى منډې جوړې کړې او د ٨ لوبغاړو په سوځيدو يې ٢٨٦ منډې جوړې کړې چې پکې تر ټولو بريالى لوبغاړى يونس خان و هغۀ ٧٤ منډې درلودې او تر پايه نه و سوځيدلى . د هند له لورې سرسنات ٤ لوبغاړي وسوځول او وځليد . په ځواب کې هندي منډو جوړونکو پاکستاني هدف په اسانۍ ترلاسه کړ . د هند تش دوه لوبغاړي وسوځيدل چې په هغو کې هم کپتان راوول دراويد ٥٠ منډې کړې وې . راوول دراوويد په دغې لوبې کې د خپل لوبيز ژوند ٩٠٠٠ منډې هم بشپړې کړې چې په يو ورځنيو لوبو کې يې د کلونو په اوږدو کې کړې دي . خو د هند يوراج سينگ د ١٠٧ منډو په کولو ډير وځليد . هند به اوس کور ته په ستنيدو له انگلستان سره لوبو ته چمتو والى کوي او پاکستان به د سرېلنکا په لور سفر ته موزې په پښو کوي . | ورسره تړلي نور خبرونه  هند له پاکستانه د کريکټ يوه ورځنۍ لړۍ وگټله16 فبروري, 2006 | خبرونه هند پاکستان ته په دويمه کريکټ لوبه کې ماتې ورکړه11 فبروري, 2006 | خبرونه د پېښور يوه ورځنۍ لوبه پاکستان وگټله06 فبروري, 2006 | خبرونه پاکستان له ١٩ کالو وروسته هند ته ماتې ورکړه01 فبروري, 2006 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
