د رې فرلانگ په برلېن کې

	ټوني بلير وايي: زه غواړم ايرانيانو ته ووايم چې په عراق کې د برتانوي عسکرو د شتوالي په اړه د پوښتنو په راپورته کولو سره د ايران له موضوع نه د پام اړول گټه نه کوي.

دۀ وويل د عراق په سويل کې ٨٠٠٠ برتانوي سرتيري د بشري حقونو په سرغړونو تورن دي او په سيمه کې د بې ثباتۍ سبب کيږي .

خو د برتانيا لومړي وزير ټوني بلير د ايران دا غوښتنه په کلکه رد کړه چې له عراق نه دې د برتانيې عسکر ووځي.

هغه وويل: عسکر به تر هغو په ايران کې پاتې کېږي چې څو د ملگرو ملتو له خوا واک ورکړ شوى وي او تر هغو چې د عراق حکومت ترې د پاتې کېدو غوښتنه کوي:

(( ټوني بلير وايي: زه غواړم ايرانيانو ته ووايم چې په عراق کې د برتانوي عسکرو د شتوالي په اړه د پوښتنو په راپورته کولو سره د ايران له موضوع نه د پام اړول گټه نه کوي. برتانوي عسکر د ملگرو ملتو په لارښوونه او د عراق په ملاتړ هلته ورغلي دي.))

دې جړې د ايران د اټومي پروگرام پر سر د نړيوالې ټولنې او ايران ترمنځ لانجه نوره هم ترينگلې کړې ده.

ښاغلي بلير د ايران د بهرنيو چارو د وزير منوچهر متکي د وينا ځواب وايه چې ويلي يې و: برتانوي ځواکونه په بصره کې حالات بې ثباته کوي.

هغه زياته کړې وه چې ايران بې له ځنډه د برتانوي عسکرو د وتلو غوښتنه کوي. ښايي ښاغلى متکي د ايران په جنوب کې د بمونو يو لړ چاودنو ته اشاره کوله چې يو شمېر وگړي په کې وژل شوي دي. ايران مخکې برتانيه له بم چوونکو سره په مرسته تورنه کړې وه.

د نړۍ نور خبرونه د دې ځاى په کېکاږلو ترلاسه کړئ