BBCPashto.com
BBCPerisan.com
BBCUrdu.com
BBCRussian.com
BBCUzbek
BBCArabic.com
BBCChinese.com
BBCMundo.com
د خپريدو وخت: 20:25 گرينويچ 2006 ,22 جنوري
دا پاڼه کوم ملگري ته ولېږئچاپي بڼه
شاهد اپريدي د لوبيز ژوند تر ټولې ډيرې منډې وکړې
په فيصل اباد کې د پاکستان اوهند تر منځ په دويمه پنځه ورځنۍ لوبه کې شاهد اپريدي يو ځل بيا تر ټولو ښه لوبه وکړه .

د خيبر په لوړو غرونو کې زيږيدلي شاهد اپريدي تش په ١٢٨ غونډسکو ١٥٦ منډې وکړې ، دا د دۀ د لوبيز ژوند تر ټولو ډيرې منډې دي چې په يو ځل يې کوي .

شاهد اپريدي د نژدې ٤٠ منډو په اوسط په پنځه ورځنيو لوبو کې ١٥٠٠ منډې تر اوسه کړي دي . دۀ ٥ ځله سل منډې کړي او ٧ ځلې يې تر ٥٠ ډيرې منډې په برخه شوي دي .

شاهد اپريدي په يو ورځنيو لوبو کې تر ټولو چټکه سليزه هم کړې ده . دۀ په پنځه ورځنيو لوبو کې ٣٩ لوبغاړي تر اوسه سوځولي .

د فيصل اباد د لوبې انځوريز رپورټ لرو :

دا دويمه پرله پسې لوبه ده چې شاهد اپريدى پکې تر ١٠٠ ډيرې مندې کوي .

د هندي لوبغاړو هر ډول هڅه د شاهد اپريدي بټ په منډو بدله کړه . دۀ په خپلو ١٥٦ منډو کې ٦ ځله شپږ منډې درلودې .

د پاکستان د ملي لوبډلې انگريز روزونکي باب وولمر د فيصل اباد په لوبه کې د شاهد اپريدي لوبې ته په پام سره وويل چې د نړۍ هيڅ لوبغاړى د دۀ په څير غونډسکه په چټکۍ له لوبغالي نه شي ايستلى .

هندي لوبغاړو ځواب نه لارۀ ، گوته په غاښ وو چې اپريدى څه کوي ، دا دريم ځل دى چې اپريدى له هند سره په پنځه ورځنيو لوبو کې سل منډې کوي .
ورسره تړلي نور خبرونه
نور خبرونه
دا پاڼه کوم ملگري ته ولېږئچاپي بڼه
BBC Copyright Logo^^ سرپاڼه
لومړى مخ | افغانستان | نړۍ | پروگرامونه | څپې او وختونه
BBC News >> | BBC Sport >> | BBC Weather >> | BBC World Service >> | Learning English >>
د اوريدو ستونزې او حل لارې | له موږ سره اړيکه | محرميت