شعيب اختر وروستى لوبغاړى وسوځاوۀ او پاکستان يې په ١٣ منډو بريالى کړ .

پاکستان د کپتان انظمام الحق او شاهد اپريدي د منډو په مټ د ٢١١ منډو هدف وټاکه خو انگلستان تر پايه پورې نژدې روان وو .

انظمام الحق ٨١ منډې وکړې او تر پايه ونه سوځيد خو په نورو پاکستاني لوبغاړو کې يوازې د شاهد اپريدي ٣٤ منډې د پام وړ وې .

د انگلستان له خوا فلنټاف ٤٠ منډې وکړې دۀ دوه پاکستاني لوبغاړي هم سوځولي وو .

د پاکستان له خوا بريالى بالر شاهد اپريدى وو چې درې لوبغاړي يې وسوځول .

له دې بري سره پاکستان د پنځو يو ورځنيو لوبو لړۍ درې يو گټلې ده خو پنځمه لوبه به هم په پينډۍ کې کيږي .

انگلستان لومړنۍ لوبه وگټله خو ورپسې يې پرله پسې درې لوبې وبايللې .

د لوبو نور خبرونه د لوبو له پاڼې لوستى شئ