اپريدي د ٣١ منډو لپاره ١٤ غوندسکې وکارولې او وروسته يې دوه لوبغاړي هم وسوځول

په دې لوبه کې انگلستان په حيرانونکې توگه پاکستان ته لومړى د منډې جوړولو بلنه ورکړه .

د پاکستان له لورې ويکت ساتونکي کامران اکمل ١٠٩ منډې وکړې چې په پرله پسې دويم ځل يې سليزه ده .

د پاکستان له لورې شاهد اپريدي ايله په ١٤ غونډسکو ٣١ منډې وکړې دۀ وروسته د انگلستان دوه لوبغاړي هم وسوځول .

پاکستان ٣٥٦ منډو وکړې چې له انگلستان سره يې تر ټولو ډيرې منډې وې . انگلستان په خپل ټول لوبيز ژوند کې ايله يو بل ځل سيالې لوبډلې ته د دومره منډو اجازه ورکړې وه .

له دې بري سره د پنځو لوبو په لړۍ کې اوس انگلستان دوه يو شاته دى . که پاتې دوه لوبې ونه گټي نو انگلستان به د پاکستان له سفر تش لاس ستنيږي .

دوى د پنځه ورځنيو لوبو لړۍ ٢-٠ بايللې وه .

د لوبو نورو پښتو خبرونو ته د لوبو پاڼه وگورئ