انگريز کريکټ مينه وال په پاکستان کې پر لومړني برى په ټوپونو شول .

دا په پاکستان کې د روان سفر په ترڅ کې د انگلستان لومړنى برى دى .

انگلستان لومړى د منډو جوړولو پيل وکړ او په ټاکلي وخت کې يې د ٤ لوبغاړو ه سوځيدو ٣٢٧ منډې وکړې .

د انگلستان له خوا سټراوس ٩٤ او فلنټاف ٧٢ منډې لرلې .

په ځواب کې د پاکستان له لورې يونس خان ، سلمان بټ او محمد يوسف تر ٥٠ ډيرې منډې وکړې خو د ټولو منډو هدف يې ترلاسه نه کړ .

پاکستان د ٢٨٥ منډو په کولو ټول لوبغاړي له لاسه ورکړل او په دې توگه يې د پنځو يو ورځنيو لوبو د لړۍ لومړنۍ لوبه په ٤٢ منډو وبايلله .

پاکستان د درو پنځه ورځنيو لوبو لړۍ دوه صفر گټلې وه .