د بابرا پلېټ رپورټ له اسلام اباده

	پاکستاني او امريکايي مامورين شک لري چې په وژل شويو کسانو کې ښايي د القاعدې مرستيال ايمن الظواهري شامل وي .

د پاکستان چارواکي اوس په دې پلټنه بوخت دي چې په شوې بمبارۍ کې د القاعدې مرستيال ايمن الظواهري هم شامل دى که نه .

د امريکا او پاکستان د يو شمير هغو چارواکو له خولې چې نومونه يې نه دي ښوول شوي داسې رپوورټونه ورکړل شوي چې وايي د امريکايي الوتکو له خوا د ترسره شوې بمبارۍ له کبله ښايي د القاعدې پنځه لوړ پوړي چارواکي وژل شوي و ي .

په دغو کسانو کې د القاعدې د مرستيال مشر ايمن الظواهري نوم هم ياديږي .

د دغو رپورټونو رسمي پخلى لا نه دى شوى . د امريکا د دفاع وزارت د دې خبرې له تاييدولو يا ردولو هم ډډه کوي چې گواکې بمباري د دوى له خوا شوې ده .

د افغانستان پولې ته نژدې په قبايلي سيمې کې د شويو زورورو چاودنو له امله نژدې ٢٠ تنه وژل شوي دي . په وژل شويو کسانو کې ښځې او ماشومان هم شته .

ځايي خلک تر چاودنو وړاندې د الوتکو د غږ اوريدو يادونه کوي . دغو چاودنو درې کورونه ويجاړ کړي او ژورې کندې يې کنستلي دي .

داسې ويل کيږي چې امريکاييان د افغانستان او پاکستان په پوله د القاعدې د مشر اسامه بن لادن په لټه يو شمير پوځي عمليات ترسره کوي .

ځايي خلک وايي دا په تيره اوونۍ کې دويم دغسې بريد دى چې د پولې له پورې غاړې ترسره شوى او وژنې پکې شوې دي .