اميتابچن ته گواښنه شوې وه چې له سيگريټو سره د اخيستي عکس له امله بايد بخښنه وغواړي

د تمباکو د ختمولو ملي هندي ادارې گواښ کړى وو چې که په ٨ ورځو کې اميتابچن بخښنه ونه غواړي نو محکمې ته به يې راکاږي او تاوان به ترې وغواړي .

اوس دغې ادارې د اميتابچن بخښنه منلې ده او وايي پرې خوښ دي .

د هند حکومت په ٢٠٠٣ کال کې د تمباکو پر اعلانونو بنديز ولگاوۀ او تير کال يې په فلمونو او تلويزيوني خپرونو کې هم د سيگريټو پر ښکارولو بنديزونه ولگول .

د تمباکو د ختمولو ملي هندي ادارې چې په گووا سيمې کې مېشته ده د اميتابچن له خوا ليک ترلاسه کړ چې پکې ژمنه شوې په راتلونکي کې به داسې نه کوي .

اميتابچن په ليک کې ليکلي (( ما دا خبره اوس په پام کې نيولې ده او له خپلو پروديوسرانو مې غوښتي دي چې په راتلونکي کې داسې څه ونه شي . ))

د تمباکو د ختمولو ملي هندي ادارې ټينگار کړى دى چې اوس به هغه اداره محکمې ته راکاږي چې دغه اعلان يې خپور کړى دى .

اميتابچن د هندي فلمونو تر ټولو مشهوره څيره ده چې له تيرو درو لسيزو په فلمونو کې د اتل په توگه ښکاري او په ميليونونو مينه وال لري .

دۀ تيره مياشت عمليات وکړل او اوس په خپل کور کې ارام کوي .

د هنر او ادب نور خبرونه د دې ځاى په کېکاږلو ترلاسه کړئ