د دوبۍ په فلم فيستيوال کې يو فلم د فلسطيني ځانوژونکو بمي بريد کوونکو په باب دى .

تنظيمونکي يې په هيله دي چې دا چاره به د لويديځ او عربي نړۍ ترمنځ د يو بل د کلتورونو په باب پوهاوى وغوړوي .

سرې غالۍ ويړې شوې دي ، رڼاگانې او ځل و بل شته دى ، تنظيمونکي يې په هيله دي چې دغه چاپېريال به په نړۍ کې د نورو لا منل شويو فلمي فيستيوالونو په څير انگازه وکړي .

خو د دوبۍ د دويم فلمي فيستيوال جوړونکي په دې هيله هم دي چې د دوى هڅې هغه جدي برخه به هم جوته او ومنل شي .

دوى غواړي چې عربي فلمونه لا پراخې نړۍ ته ښکاره کړي او عرب فلم جوړونکو ته يوه موقع ورکړي چې د خپل استعداد ښکارندويي وکړي .

دغه راز به د راتلونکو پروژو لپاره د پيسو موندلو موقع هم په گوتو ورشي .

د فيستيوال پرانيستونکى فلم د دوو فلسطيني کارکوونکو په باب وو چې په گاراج کې کار کوي او ورڅخه ځانوژونکي بمي بريد کوونکي جوړيږي .

په نورو فلمونو کې له عراقه هم يو شته چې د صدام حسين تر نسکوريدو وروسته د هغۀ هيواد لومړنى مستند فلم دى .