دا په دې وروستيو کې د ارزگان په ولايت کې تر ټولو لوى بريد دى

په دغه بريد کې چې د ارزگان ولايت په مرکز ترينکوټ کې وشوه ٥٠ تنه ټپيان شوي هم دي . د ټپيانو له ډلې د ١٦ کسانو وضعه جدي بلل شوې ده .

په وژل شويو کې دوه ماشومان دي دغه راز په ټپيانو کې هم اووه تنه ماشومان شامل دي .

چاودنه د څارويو په يوۀ گنج کې وشوه . د لوى اختر د رانژدې کيدو له امله د څارويو په گنج کې تر نور کله گڼه گوڼه زياته وه .

طالبانو ادعا کړې ده چې دوى دغه بريد کړى دى .

دا بريد په داسې وخت کې شوى دى چې د ارزگان په ولايت کې د بيا رغاونې د ولايتي ډلې يا پي ار ټي دفتر پرانيستل کيدۀ .

ټاکل شوې ده چې په روان ميلادي کال کې به هالندي سرتيري په ارزگان ولايت کې د بيا رغاونې د ولايتي ټيم چارې ترسره کوي .

د افغانستان نور خبرونه د دې ځاى په کېکاږلو ترلاسه کولى شئ