محمود کوچى له کابله

	چاودنه د دالاامان په سيمه کې په يوۀ موټر کې وشوه .

په دغې چاودنه کې چې دجمعې ورځې د ماسپيښين مهال د علاوالدين درې لارې ته نژدې شوه يو تن ئې ځاى په ځاى وژلى او دوه تنه لاروي ئې ټپيان کړي دي .

د پوليسو چارواکو وويل چې دغه مواد په يو ديگ بخار کې ځاى په ځاى شوي او په يو کورولا ډوله موټر کې ئې ليږدوول چې له وخته مخکې وچاوديدل.

د کورنيو چارو د وزارت وياند يوسف ستانيکزي بي بي سي ته وويل چې دغه چاوديدونکي مواد د يو ځانمرگي برېد په موخه ليږديدل.

په سيمه کې عيني شاهدانو وويل چې په همدغه مهال دسوله ساتو ځواکونو موټر د تيريدو په حال کې وو چې په اړه يې ويل کيږي دغه سرتيري د ناروې د هيواد وو خو هغوى او د هغوى موټرو ته ځه زيان نه دى اوښتى .

يومياشت وړاندې د کابل په ښار کې دوه ځانمرگي بريدونه د کابل جلال اباد په لويه لاره تر سره شوي وه چې له امله ئې د دريو افغانانو د وژل کيدو بر سيره يو المانى سر تيرى هم وژل شوى وو .

د افغانستان په باب نور خبرونه د افغانستان له پاڼې لوستى شئ