د سه شنبه په ورځ دوه چاودنو د کندهار ښار ولړزاوه. د بي بي سي ځايي خبريال خبر راکوي چې، لومړۍ چاودنه په دولسو بجود کندهار د حضرت جي بابا په بازار کې چې، د کندهار ښار په ختيځه سيمه کې پروت دى وشوه .

دغه چاودنه چې د امريکايي ځواکونوپه يوه موټر کې وشوه د عيني شاهدانو په وينا، دوه امريکايي سرتيري پکي ژوبل شوي چې، د يوه تن روغتيايي حالت کړکيچن ښودل شوى.

دوهمه چاودنه چې اووه دقيقي وروسته ، د گمرک په سيمه کې وشوه ، د يوه لاسي بم بريد وو، خو د بريد کوونکي نښه خطا شوې، او په يوه لاروي چې، په موټر سايکل سپور وو ولگيد. په کندهار کې ځايي چارواکو لا تراوسه پدې اړه څه نه دي ويلي .