دا دويم پرله پسې کال دى چې رونالدينيو دغه وياړ خپلوي .

دا دويم پرله پسې کال دى چې رونالدينيو دغه وياړ خپلوي . دى په همدې روانه مياشت کې د اروپا تر ټولو تکړه فوټبال لوبغاړى هم بلل شوى و .

رونالدينيو د ملي لوبډلو د روزونکيو او کپتانانو په رايو کې ٩٦٠ رايې ترلاسه کړې . په دويم نمبر د انگلستان د ملي لوبډلې فرنک لمپارډ و چې ٤٢٩ رايې يې وموندلې .

رونالدينيو وويل (( غواړم دغه وياړ له خپلې لوبډلې سره ( بارسلونا ) شريک کړم د لوبډلې له نورو لوبغاړو پرته ما دغه وياړ نه شواى ترلاسه کولى . ))

رونالدينيو له خپلې کورنۍ او خداى پاکه هم مننه وکړه چې روغه سټه يې ورکړې او د دۀ په وينا يې د هغه څه کولو توان ورکړى دى چې تر هر څه ډير خوند ترې اخلي .

په تيرو ١٠ کلونو کې دا پنځم ځل دى چې په نړۍ کې د کال تر ټولو ښه لوبغاړى د برازيل اوسيدونکى وي .

لوبو نور پښتو خبرونه د لوبو له پاڼې ترلاسه کولى شئ