د ترينيداد او توبيگو فوټبال لوبډلې بحرين ته په ماتې ورکولو جرمني ته لار ومونده .

ترکيه چې په ٢٠٠٢ کال کې د نړيوالو اتلوليو په ترڅ کې ښه ځليدلې وه او دريم مقام يې خپل کړي و دا ځل اتلوليو ته غوره نه شوه .

په استانبول کې تر يوې په زړۀ پورې لوبې وروسته ترکيې که څه هم سويس ته ٤-٢ ماتې ورکړه خو لومړنۍ لوبه يې ٢-٠ بايللې وه او په دې حساب د دوو لوبو په پاى کې سويس د ترکيې په خاوره د خپلو دوو گولونو په مټ پايلوبو ته د رسيدو وياړ ترلاسه کړ .

اسپانيا له سلواکيا سره خپله دويمه لوبه ١-١ مساوي ختمه کړه خو په لومړنۍ لوبه کې اسپانيا ٥-١ بريالۍ شوې وه .

چيک جمهوريت له ناروې څخه رواړه لوبې يو - صفر گټلې وې .

د اسيا او منځنۍ امريکا د پاتې لوبډلو ترمنځ د لوبې گټونکى د توبيگو او ترينيداد لوبډله شوه .

توبيگو او ترينيداد بحرين ته تر دوو لوبو وروسته دوه - يو ماتې ورکړه . لومړنۍ لوبه ١-١ مساوي ختمه شوې وه خو په بحرين کې ر توبيگو او ترينيداد لوبډلې بحرين ته يو صفر ماتې ورکړه . دا لومړى ځل دى چې ترينداد د نړيوالو اتلوليو په لوبو کې د برخې اخيستو وياړ ترلاسه کوي .

استراليا يوراگواى ته د پيناتي تر هڅو وروسته ماتې ورکړه او له ١٩٧٤ کال څخه وروسته په لومړي ځل نړيوالو اتلوليو ته غوره شوه .

په ٢٠٠٦ کال کې به د جرمني په هيواد کې د نړيوالو اتلوليو په لوبو کې د نړۍ له لرو بر څخه دغه ٣٢ هيوادونه برخه اخلي :

	يونان د اروپا د لويې وچې فوټبال اتلولي گټلې ده خو په نړيوالو اتلوليو کې د غوراوي له پړاوه تير نه شو .

استراليا