له واشنگټنه د جيمز کومارا سوامې رپورټ

	دا دويم ځل دى چې ايراني ولسمشر د اسراييلو پر ضد څرگندونې کوي .

دۀ زياته کړه همدا هغه بل دليل دى چې ولې بايد ايران د هستوي وسلو د جوړولو توان ونه مومي .

ولسمشر احمدي نژاد خپلې دغه لانجمنې څرگندونې له يوۀ عربي ژبي تلويزيون کانال سره په مرکه کې وکړې .

دۀ وويل د جرمني او اتريش په څير هيوادونه چې د نازيانو د وژنو له امله ځانونه پړه احساسوي بايد د خپلو خاورو يوه د اسراييلو هيواد ته ورکړي .

د اسراييلي حکومت يوۀ وياند سم لاسي دغه څرگندونې بې ځايه او توکم پالې وبللې او ويې غندلې .

اسرايلي وياند وويل دى په هيله دى چې دا به د هغو خلکو لپاره وېښونکې وي چې د دۀ په وينا لا هم د ايران د اوسني رژيم په باب سم نه دي پوى شوي .

د ولسمشر احمدي نژاد دا وروستۍ څرگندونې تر هغو ايله څو اوونۍ وروسته شوي چې د ملگرو ملتونو د امنيت د شورا له خوا ورټل شو ځکه چې دۀ ويلي وو چې اسراييل دې د نقشې له مخې ورک شي او دۀ د يهودانو هيواد يوه زخه بللې وه .