د فرانسيس هريسن رپورټ له تهرانه

	په لسگونو زره کسانو په تهران کې د اسراييل او د هغۀ د ملاتړو پر ضد تر هغه وروسته لاريون وکړ چې ايراني ولسمشر د نړۍ له نقشې د اسراييلو ختميدۀ وغوښتل .

دا مظاهره په داسې وخت کې شوې چې په نړيواله کچه د ايراني ولسمشر محمود احمدي نژاد د هغو څرگندونو له امله غصه پاريدلې چې ويل يې اسراييل بايد د نړۍ له نقشې ورک شي .

مظاهره کوونکو (( مړ دې وي اسراييل )) شعارونه ورکول . اسراييلي بيرغ په خاورو راکښل شو او بيا اور ورته شو .

ډيرو شعارونو هغه څرگندونې تکرار کړې وې چې د ولسمشر له خولې دوه ورځې وړاندې خپرې شوې او نړيوال يې قهروړي کړل .

دوى د انقلاب د پلار ايت الله خميني د خولې خبره کوله چې (( اسراييل بايد د نقشې له مخې ورک شي . ))

د مظاهرې په يوه برخه کې يوه ډله زلمو د فلسطيني ځان وژونکو بمي بريد کوونکو په څير جامې اغوستې وې او د فلسطينيانو لپاره يې پيسې هم ټولولې .

مظاهرې ته په پام سره داسې ښکاري چې ايران د ولسمشر احمدي نژاد له سختو خبرو نه دى اوښتى .

خو داسې ايرانيان هم شته چې په دې ډول مظاهرو کې برخه نه اخلي هغوى ډاريږي چې هيواد به يې په نړيواله کچه گوښى پاتې شي .