د شير اغا کريمي رپورټ

	ډاکټر عبدالله له افغانستان سره د ايران د مرستو مننه وکړه .

د پوهاوي ددې سند په اساس به دواړه هېوادونه دخپلو سرحدي ستونزو د حل په خاطر يو گډ کميسون جوړوي .

د ايران په رسمي خبري اژانس د ايرنا په رپورت کې راغلي چې د پوهاوې په دغه يادښت کې د گډو پولو په اوږدو کې د امنيت د يقيني کولو ، د دوه اړخيزو روابطو د پياوړي کولو او يو د بل لوري حاکميت ته د احترام د لرلو په اړه تدابير شامل دي .

د افغانستان د بهر نيو چارو وزير ډاکتر عبدالله ددې سفر په مهال د ايران له ولسمشر محمود احمدي نژاد سره هم کتلي .

نوموړي ددغې کتنې په مهال د ايران او د افغانستان تر منځ د اوږدو تاريخي اړيکو په اړه خبرې کړي او ژمنه يې کړې چې ايران به د افغانستان د امنيت او د ودې او انکشاف په چاره کې خپلې هڅې ونه سپموي .

د ايران ولسمشر محمود احمدي نژاد په افغانستان کې پارلماني ټاکنې د هغه هيواد دبېلا بيلو قومو نو ترمنځ د يوالي يوه نښه گڼلې او زياته کړې ده چې نوموړى هيواد به په خپلو نورو ستونزو هم برلاسى شي.

د افغانستان د بهر نيو چارو وزير ډاکتر عبدالله په خپل وار د افغانستان د بيا رغونې په برخه کې د ايران د مرستو ستاينه کړې او زياته کړې ده چې افغان حکو مت به په ملک کې د سولې او ثبات ټينگښت او د نشه يې موادو پرضد مجادلې ته د لو مړيتوب حق ورکوي.

افغانستان تيره اوونۍ له اروپايي ټولنې سره هم دې ته ورته يو تړون لاسليک کړى و .

د افغانستان لپاره د پښتو وېبپاڼې ځانگړې پانې ته د دې ځاى په کېکاږلو تلى شئ