د میانمار شپې او ورځې د انځور په ژبه

انځور اخیستونکی جیفري هیلر له ۱۹۸۷ کال راهیسې د میانمار یا برما د خلکو ژوند ژواک په انځورونو کې وړاندې کوي.

پر میانمار د هغه له کتابه ( میانمار کې له لمر ختو وروسته ) نه یو څو انځورونه وړاندې کېږي.

په دغه کتاب کې د میانمار له یو شمېر مخکښو شخصیتونو سره شوې مرکې هم شته.

نوموړې پوځي حکومت له ړنګیدو او بیا ۲۰۱۰ کال کې د پوځ پلوه حکومت تر رامنځته کېدو پورې څو ځلې هلته سفرونه کړي دي.

د هغه په انځورونو کې د میانمار د خلکو ورځنی ژوند لیدل کېږي.

نوموړې د لارې پر سر او یا د چایو څښلو هټیو کې د ناستو کسانو انځورونه اخیستي دي.

نوموړی ۱۹۸۷ کال کې د یوې اونۍ پر ویزې دغه هېواد ته تللی و.

له سفري بندیزونو سره هم نوموړی وايي دغه هېواد سره مینه کوي.

د وخت په تېریدو سره هلته پوځي حکومتونو نرمي کوله، خو معمولاً ۲۰۰۰ کال کې هغه خپله کامیرا پټوله او په ملکي کالیو کې حکومتي جاسوسانو د هغه مخنیوی کاوه. دې سره هم نوموړی وتوانید له هغه ځایه د فلمونو ۹۰ رولونه بهر ته ورسوي.

د امریکا سفارت له لورې ۲۰۱۱ کال کې د دندې پر مهال هغه په رنګون کې د انځور اخیستو ښوونه کوله او له هغه یو کال وروسته وتوانید خپل زده کونکي وویني.

هغه فکر کوي، چې ټولو بدلونونو سره هم د میانمار راتلونکی څرګند نه دی او وايي دا به ۲۵ کلونو کې لومړی ځل تر سره کېدونکو ټولټاکنو کې معلومه شي.