واشنګټن پوسټ: "افغانستان کې امریکايي ځواکونه نامعلوم راتلونکی لري"
د عکس سرچینه، AFP
- Author, سمیع الله موسیزی
- دنده, بي بي سي
واشنګټن پوسټ
واشګنټن پوسټ ورځپاڼې په افغانستان کې دامریکايي ځواکونو د موجودیت په اړه په یوه تفصیلي راپور کې ویلي په افغانستان کې امریکايي ځواکونه نامعلوم راتلونکی لري.
ورځپاڼه وايي په تېرو ۱۵ کلونو کې د شاوخوا ۸۰۰ ملیارده ډالرو په لګولو سره بیا هم طالبان وسله والو مخالفت ته دوام ورکوي او افغان سرتیري له ستونزو سره مخامخ دي.
واشنګټن پوسټ هم د موصل په اړه مطلب او د عراقي سرتیرو انځورونه خپاره کړي. ورځپاڼه وايي امریکا په سوریه کې د اسلامي دولت نومې ډلې د مرکز رقه ښار د بیرته نیولو د عملیاتو د ملاتړ په برخه کې زړه ، نازړه ده ځکه ورځپاڼه وايي امریکا له دغې ډلې د رقې ښار له نیولو سره وروسته موده کې ګډوډۍ ته اندیښمنه ده .
ډان
د عکس سرچینه، AP
د پاکستان چاپ ورځپاڼې ډان په بهرنیو چارو کې د دغه هېواد د لومړي وزیر د سلاکار سرتاج عزیز له قوله لیکلي چې هند له اخلاقي پلوه له ترهګرۍ سره د مبارزې په برخه کې د خبرو حق نه ورکوي، خو پر نورو د ترهګرو د ملاتړ تورلګوي.
هغه برعکس پر هند تور لګولی چې د پاکستان په خاوره کې د ترهګرۍ ملاتړ کوي او د عزیز په وینا له دې سترګې نه شي پټېدای.
هغه د هند د لومړي وزیر د هغو څرګندونو په ځواب کې چې ویلي و پاکستان د ترهګرۍ مور ده ویلي هند د بریکس سرمشریزې ګډونوالو او نورو په سترګو ګې خاورې اچوي.
ډاڼ د ښاغلي عزیز په حواله ویلي چې هند په کشمیر کې د کېدونکو ظلمونو پټولو هڅه کوي او د کشمیر دده په وینا داسې یوه مساله چې په نړۍ واله کچه پرې خبرې کیږي او د ملګرو ملتونو د امنیت شورا په اجندا کې هم ځای لري.
انډین ایکسپرېس
د پاکستان او هند ترمنځ د همدې لفظي او مطبوعاتي شخړې په لړ کې هندۍ ورځپاڼۍ انډین ایکسپرېس ویلي د بریکس په غونډه کې هند پر پاکستان د ترهګرۍ د ملاتړ له امله خپل فشار زیات کړی. ورځپاڼه وايي د بریکس سرمشریزې د پای په اعلامیه کې د کشمیر په اړه د هند او چین اختلاف نظر ته اشاره نه ده شوې.
نیویارک ټایمز
د عکس سرچینه، AFP
بلې امریکايي ورځپاڼې نیویارک ټایمز د عراق د موصل ښار د بیرته نیولو د عملیاتو په اړه مطلب خپور کړی، ورځپاڼې د هغو عراقي سرتیرو انځورونه خپاره کړي چې درنې وسلې ورسره دي او له اسلامی دولت ډلې د موصل د بیرته نیولو لپاره جګړې ته تیار دي.
ورځپاڼه وايي په تیرو څو ورځوې د موصل اوسیدونکي د خوراکي توکو په زیرمه کولو او د (اسلامي دولت) نومې ډلې وسله والو د سمڅو په کیندلو بوخت دي، تر څو د امریکايي الوتکو له بریدونو ځانونه وساتي.
