ټرمپ زياته کړې، "دوی يوازې وايي
چې غواړي دا وتړل شي، ځکه چې ما دا په بشپړه توګه کلابند
او تړلی دی."
د امریکا
ولسمشر دا ادعا هم کړې چې څلور
ورځې وړاندې ورته ویل شوي وو، ایران غواړي
د هرمز تنګی سملاسي پرانیزي،
خو وايي که دا کار وکړي، له ایران سره به هېڅ هوکړه ونشي.
د ملګرو ملتونو مشر د ایران او امریکا تر منځ د اوربند غځېدو هرکلی وکړ
ټاکل شوې وه، د امریکا د
مذاکره کوونکې ډلې مشري به جې ډي ونس پر غاړه ولري.
وروستی, ټرمپ وايي له ایران سره اوربند غځوي خو کلابندي به همغسې پر ځای وي
د عکس سرچینه، Getty Images
د امریکا ولسمشر ډونلډ
ټرمپ وايي د پاکستان په غوښتنه به امریکا له ایران سره اوربند وغځوي خو د ایراني
بندرونو کلابندي به دوام ولري.
نوموړي پر ټولنيزو رسنيو
يوه پوسټ کې ويلي، "د پاکستان فيلډ مارشال عاصم منير او لومړي وزير شهباز
شريف له موږ غوښتي چې تر هغه پر ایران بریدونه وځنډوو چې تر څو د هغوی مشران او
استازي يو ګډ وړانديز وړاندې کړي."
ایران لا تراوسه په دې اړه رسمي غبرګون نه دی ښودلی خو وړاندې په ملګرو ملتونو کې د ایران استازي ويلي وو، کله چې کلابندي لرې کړل شي،
د خبرو اترو بل پړاو به په اسلام اباد کې پیل شي.
په ملګرو ملتونو کې د ایران سفير: تهران داسې اشارې ترلاسه کړې چې امریکا د هرمز تنګي د کلابندۍ لرې کولو ته چمتو ده
په ملګرو ملتونو کې د ایران سفیر امیر سعید ایراواني په دې وروستیو د بي بي سي په ګډون څو
خبریالانو ته ويلي چې تهران داسې نښې نښانې ترلاسه کړې دي چې امریکا د کلابندۍ لرې
کولو لپاره چمتو ده.
نوموړي ويلي، کله چې کلابندي لرې کړل شي،
د خبرو اترو بل پړاو به په اسلام اباد کې پیل شي.
د بي بي سي خبريال ندا
توفيق ته یې د جې ډي
ونس د سفر 'ځنډېدو'
په اړه ویلي، هغه په دې اړه هېڅ
معلومات نلري او بيا يې ټینګار
کړی چې د ایران شرط دا دی چې امریکا د خبرو اترو له بیا
پیل کېدو
وړاندې د هرمز تنګي کلابندي لرې
کړي.
ده ويلي، که امریکا سیاسي حل غواړي، ایران د دې لپاره چمتو دی،
او که جګړه غواړي، ایران هم ورته اماده دی.
ټرمپ: ایران د خبرو لپاره د پلاوي 'له استولو پرته بل غوراوی نه لري'
د عکس سرچینه، Reuters
د متحدو ایالتونو ولسمشر ډونلډ ټرمپ وايي، ایران اسلام اباد ته د خبرو لپاره د پلاوي له استولو پرته ''بل غوراوی نه لري.''
له سي این بي سي خبري شبکې سره مرکه کې ولسمشر ټرمپ وویل باوري دی، چې امریکا به یو ''ستر جوړ جاړی'' ته ورسېږي.
ټرمپ تور پورې کړی، چې ایران 'څو ځله' له اوربنده سرغړوونه کړې
د
امریک امتحدو ایالتونو ولسمشر ډونلډ ټرمپ پر ایران تور پورې کړی، چې ''څو ځله'' یې له
اوربنده هوکړې سرغړوونه کړې ده.
ټرمپ دغه تورونه پر خپله خواله رسنۍ ټروت سوشل
یوه پيغام کې څو شېبې مخکې لګولي، خو نوموړي تفصیلات نه دي بیان کړي،
چې کومې یا کومو پېښو ته اشاره کوي.
چین د امریکا او ایران تر منځ د مذاکراتو په تړاو له پاکستان سره 'بشپړ ملاتړ' څرګند کړ
د عکس سرچینه، Pakistan Ministry of Foreign Affairs via X
د عکس تشریح، پاکستان بهرنیو چارو وزارت د دې لیدنې تصویر خپور کړی دی.
پاکستان کې د چین سفیر د ایران او امریکا تر منځ د خبرو په تړاو د پاکستان له هڅو سره د بیجینګ ''بشپړ ملاتړ'' څرګند کړی دی.
د پاکستان بهرنیو چارو وزارت وايي، د لومړي وزیر مرستیال اسحاق ډار چې د بهرنیو چارو وزیر دنده هم لري، د چین له سفیر جیانګ زایدونګ سره خبرو کې د سیمې پر وضعیت غږېدلی دی.
د پاکستان بهرنیو چارو وزارت وايي،"په دې لیدنه کې زایدونګ د سیمې د سولې او ثبات لپاره د ایران او امریکا تر منځ د مذاکراتو په لړ کې د پاکستان هڅې وستایلې."
په اسلام اباد کې چمتوالی روان دی، خو ناڅرګندتیا هم شته، چې خبرې به وشي او که نه, ازاده مشیري، د سویلي اسیا لپاره د بي بي سي خبریاله-اسلام اباد
د عکس سرچینه، Reuters
نن سهار په اسلام اباد کې، د ممکنه خبرو لپاره چمتووالی لا هم روان دی. پلازمېنه کې امنیتي پوستې او د "اسلام اباد خبرې" لوحې او بینرونه د لارو په اوږدو کې لیدل کېږي، خو لا هم وضعیت ناڅرګند دی.
سپینې ماڼۍ ویلي، د مرستیال ولسمشر جې ډي وینس په مشرۍ به یو امریکایی پلاوی پاکستان ته سفر وکړي، خو وخت یې روښانه نه دی.
لامل یې ښايي د ایران له لوري په خبرو کې د ګډون په تړاو په عام محضر کې د اعلان په هکله ناڅرګند وضعیت وي، چې په اعلامیو کې یې لا هم غم او غوسه ښکاري.
د ایران د پارلمان مشر محمد باقر قالیباف په هکله، چې تمه کیږي د ایران د پلاوي مشري به وکړيوروستی خبر دا دی چې وايي، ایران به "د ګواښونو تر سیوري لاندې" خبرې ونه مني. هغه ډونلډ ټرمپ ''اوربند سرغړونې" تورن کړ.
نوموړي د هرمز تنګي پیښو ته اشاره کوله، چې امریکا د ایران بیرغ لرونکې بار وړونکې بېړۍ یې نیولې.
خوپه ایران کې نورڅه هم روان دي. سخت دریځي قالیباف په څېر شخصیتونه تر فشار لاندې راولي، چې د دیپلوماسۍ پر ځای شخړه غوره کړي.
په داسې یوه هېواد کې د واک پر سر داخلي شخړې، چې په جګړه کې یې لوړپوړي مشران وژل شوي، هغه څه دي چې د پردې تر شا روان دي.
ښايي داسې ډېر څه چې موږ یې په عام محضر کې اورو، سیاسي غوغا وي، او پرته له دې چې مشران یې څه ووايي، ښايي ایرانیان د سفر چمتوالی کوي.
خو د دې هر څه معنی دا ده، چې د اوربند له پای ته رسېدو ایله یوه ورځ مخکې لا هم نه پوهېږو، چې ایا د سولې دا خبرې به وشي او که نه.
د بلومبرګ
د راپور له مخې، ټرمپ په مرکه کې دا هم ويلي چې د مرستیال ولسمشر جې ډي ونس په ګډون به يو پلاوی،
پاکستان ته سفر وکړي او سبا به بیا خبرې اترې پیل کړي.
ایران تر
اوسه په خبرو اترو کې د ګډون په اړه رسمي غبرګون
نه دی ښودلی.
خو،
د فارس او تسنیم، په ګډون ځینو
ایراني رسنیو په اسلام اباد کې د ایران د مذاکراتي ټیم د ګډون په اړه شکونه څرګند کړي
دي.
وروستی, د لبنان ولسمشر: له اسرائيل سره زموږ مذاکرات د امریکا او ایران له خبرواترو "جلا" دي
د عکس سرچینه، Getty Images
د لبنان
ولسمشر جوزف عون ویلي چې له اسرائیلو سره یې راتلونکي مذاکرات د امریکا او ایران د
سولې خبرو اترو او یا "هر ډول نورو مذاکراتو جلا" دي.
ښاغلي عون
پرخپله اېکسپاڼه په یوه بیان کې ویلي چې د راتلونکي پړاو خبرو کې به د لبنان استازیتوب
د امریکا لپاره د لبنان د پخواني سفیر سایمن کرم په مشرۍ پلاوی وکړي او په وینا یې،
"له لبنانه به هېڅ بل څوک په دې ماموریت کې نه برخه واخلي او نه به یې هم ځایناستي
شي".
د لبنان ولسمشر
همداراز ویلي چې له اسرائيل سره د دغو مذاکراتو موخه "پر دوښمنۍ د ولاړو
کړونو بس کول"، د لبنان د جنوبي سيمو "د اشغال پایته رسول" او پر
هغو "جنوبي پولو" د لبنان پوځ ګمارل دي چې "په نړیواله کچه د سرحد په نوم په رسمیت" پېژندل شوې دي.
وروستی, بقایي: له اوربند د پرلهپسې سرغړونو له کبله وضعیت لا هم جګړهییز دی
د عکس سرچینه، Getty Images
تهران د امریکا متحد
ایالتونه له اوربنده په پرلهپسې سرغړونو تورن کړي او خبرداری یې ورکړی چې دمګړۍ په
هرمز تنګي کې د تګراتګ عادي کېدل ناشوني دي.
د ایران د بهرنیو چارو وزارت
ویاند اسماعیل بقایي ویلي: "د امریکا لخوا له اوربنده پرلهپسې سرغړونو او د ایراني بندرونو
او بېړیو کواښلو ته په کتو، وضعیت لا هم جګړهییز بلل کېږي او په یو اړخیز ډول د تګراتګ
عادي کول امکان نه لري."
