فېسبوک او انسټاګرام: میټا شرکت د نیلي نښې بدل کې میاشتنی فیس پیلوي
د عکس سرچینه، Reuters
د فیسبوک او انسټاګرام څښتن"میټا" شرکت ویلي، ددغو دواړو خواله رسنیو کارنو ته د خپلو ګڼونونو (اکونټونو) د نیلي نښې په بدل کې میاشتنی فیس پیلوي.
د انټرنېټ لټوتنګر کارنو لپاره د میټا د نیلي نښې لګښت یا میاشتنۍ بیه ۱۱٫۹۹ ډالره او د (ای او اېس) کارنو لپاره ۱۴٫۹۹ ډالره ده.
دا اونۍ به عملاً په اسټرالیا او نیوزیلنډ کې پیل شي.
د میټا اجراییوي مشر مارک زوکربرګ وویل، په دې ګام سره به د خوندیتوب او ریښتینولۍ ښه والي لپاره کار وشي.
د میټا دا پرېکړه وروسته تر هغه اعلان شوې چې د ټوېټر څښتن اېلان ماسک د ۲۰۲۲ کال نومبر میاشت کې د ټوېټر کارنو د نیلي نښې بدل کې د فیس اخیستل پیل کړل.
تر اوسه شرکتونو ته د میټا له خوا دا خدمت نه دی چمتو شوی، خو وګړي د نیلي نښې لرلو بدل کې پیسې ورکولی شي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ Facebook پای
نیلي نښې د مشهورو او اوڅارو کسانو لپاره کارول کېږي چې ریښتینولي یې ثابته شي.
میټا شرکت ویلي د انسټاګرام او فیسبوک د کارنو نومونه باید د هغو حکومتي پاڼو د ثبوت له مخې وي چې شرکت ته د نیلي نښې ترلاسه کولو لپاره استول کېږي او کارن باید د خپل اکونټ داسې انځور وکاروي چې مخ یې پکې ښکاري.
د ریډیټ، یوټیوب او ډیسکورډ په څېر نورې خواله رسنۍ هم د ګډون لپاره ورته سیستمونه کاروي.
میټا لا نه دي ویلي چې په نورو هېوادونو کې به دا خدمت کله چمتو کېږي، خو زوکربرګ یې په اړه د "ژر" خبره کړې ده.
دغه شرکت په نومبر میاشت کې د کورونا وفا له کبله د خپلو ۱۱ زره دندو د ختمولو اعلان کړی و.
