تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
بریتانیا کې ایشا توپان؛ لسګونه زره کورنۍ بېبرېښنا شوې
په ټوله بریتانیا کې خبرداري ورکړل شوي، ځکه چې له باران سره د ایشا په نامه د توپان وړاندوېینه شوې چې سرعت به یې په یوه ساعت کې ۹۰ مایله (۱۴۵ کیلومتره) وي.
د تېز باد او توپان له کبله په ټوله بریتانیا کې لسګونه زره وګړي بې برېښنا شوي، یوازې شمالي ایرلنډ کې ۴۵۰۰۰ کورنۍ او د انګلستان شمال لوېدیځ کې ۸۰۰۰ کورنۍ او وېلز کې ۳۰۰۰ کورنۍ بې برېښنا شوي دي.
د سلافیلډ اټومي سیمې د شپې مهال خپل فعالیت ځنډولی دی.
حکومت ویلي، هېڅ د خوندیتوب ضمانت نه شته او د سکاټلنډ ټول اورګاډي له ۱۹:۰۰ بجو وروسته لغوه شوي، په انګلنډ کې هم د اورګاډي ډېر خدمتونه ځنډول شوي.
د ناوړه هوا له کبله ژیړ خبرداری ورکړل شوی چې ویل کېږي د انګلنډ، وېلز، شمالي ایرلنډ او سکاټلنډ په ډېرو برخو کې به تېز باد چلېږي.
همداشان، په ساحلي سیمو کې هم د ژوندانه په چارو کې د خطر خبرداری ورکړل شوی او پر وچو سیمو د لویو سمندري څپو د راتلو شونتیا هم شته.
له سپتمبر راهیسې دا د ایشا په نامه نهم توپان دی او د دې میاشتې لومړیو کې د هنک په نامه توپان هم پسې راغلی و.
ګلاسګو کې ځینې الوتنې هم لغوه شوې دي.
د سکاټلنډ د چاپېریال ساتنې ادارې ویلي د سېلابونو راوتلو د خبرداري کچه یې له ۱۹ څخه ۲۷ ته لوړه کړې ده. د سېلاب تر ټولو ټیټه شدیده کچه ۱۷ درجو کې پاتې شوې ده.
