یو نامتو جاپانی سوک وهونکی د مغزي ټپونو له کبله مړ شو

یو جاپانی سوکوهونکی چې د توکیو په یوه سیالۍ کې یې مغز ټپي شوی و مړ شو. هغه هیروماسا اوراکاوا ۲۸نومېده او ۲۸ کلن و. نوموړی د اګست پر ۲مه د یوجي سایتو په نامه یو سیال د سیالۍ په اتم پړاو کې سوځولی و.

دا پېښه د شیګتوشي کوتاري په نوم د یو بل داسې لوبغاړي تر مړینې څو ورځې وروسته وشوه چې له ورته ډول ټپي کېدو وروسته ساه ورکړه. هغه هم د توکیو د کوراکوېن تالار سیالیو کې له ټپي کېدو وروسته ژوند بایللی و.

دواړو سوکوهونکو د (هماتوم ساب‌ دورال) یا مغزي جراحۍ ترسرې کړې وې. هغه حالت چې وینه په کې د سر او مغز ترمنځ راټولېږي.

د سوکوهنې نړیوالې ادارې وویل، چې په ژور ډول خواشینې ده چې هیروماسا اوراکاوا له یوجي سیتو سره سیالۍ کې د ټپونو له امله مړ شو.

یادې ادارې زیاته کړه: "دا غمجن خبر یوازې څو ورځې وروسته د شیګیتوشي کوټاري له مړینې وروسته خپور شو چې په ورته سیالۍ کې ټپي شوی و."

له دې پېښې وروسته، د جاپان د سوکوهنې فدراسیون اعلان وکړ چې د ختیځې اسیا او ارام سمندر د سوکوهنې فدراسیون ټولې اتلولۍ به له ۱۲ پړاونو ۱۰ هغو ته راکمېږي.

د جاپانیو رسنیو د راپورونو له مخې، د جاپان د سوکوهنې فدراسیون یوه څېړنه پیل کړې او پلان لري چې په سپتمبر کې د مړینو د بیاکتنې لپاره یوه غونډه وکړي.

هیروماسا اوراکاو دریم تر ټولو نامتو سوکوهونکی دی چې په ۲۰۲۵ کال کې مړ کېږي.

تر دغو دوو پېښو مخکې بیا ایرلینډی سوکوهونکی جان کوني د فبرورۍ په میاشت کې په بېلفاسټ سیمه کې له یوې سیالۍ وروسته مړ شو.

هغه هم د ۲۸ کلنۍ په عمر له ویلز ناتان هاویلز سره د یوې سیالۍ پر وخت په سر کې دننه وینې بهېدنې له امله مړ شو.