ازبکستان د افغانستان برېښنا او ټیکنالوجۍ کې لېوالتیا ښودلې
د عکس سرچینه، @MoICAfghanistan
د ازبکستان د سوداګرۍ یو پلاوی له طالبانو او خصوصي سکتور سره د دواړو هېوادونو د دوه اړخیزو سوداګریزو اړیکو د پراختیا او پیاوړتیا لپاره کابل ته تللی دی.
د طالبانو د سوداګرۍ او صنعت وزارت وايي، د ازبکستان دغه جګپوړي سوداګریز پلاوي کې ۳۰ کسان دي چې مشري یې د ازبکستان د سوداګرۍ او صنعت وزارت لومړی مرستیال ناظم جان خالمرادوف کوي.
یاد پلاوی د شنبې په ورځ د افغانستان پر وخت ماسپښین کابل ته رسېدلی او دوه ورځې به افغانستان کې پاتې کېږي.
د طالبانو حکومت د سوداګرۍ مرستیال وزیر قدرت الله جمال د ازبکستاني پلاوي د هرکلي لپاره د کابل هوايي ډګر ته ورغلی و.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
د طالبانو د سوداګرۍ او صنعت وزارت پر اېکس (پخواني ټویټر) پاڼه لیکلي، چې ازبکستان د برېښنا، ټیکنالوجۍ او خوراکي توکو په برخه کې د همکارۍ لېوالتیا ښودلې چې په دې دوه ورځني سفر کې به پرې هر اړخیزه خبرې وشي.
په وروستیو کې د طالبانو حکومت له ګاونډیو هېوادونو سره د سوداګریزې پراختیا په تړاو اړیکي او خبرې ډېرې کړې دي.
د روانې اګسټ میاشتې پر ۱۲مه هم کابل کې د ازبکستان سفیر یادګار شادمانوف د طالبانو د سوداګرۍ له مرستیال وزیر قدت الله جمال سره لیدنه کې د سوداګریزو اړیکو پر غوړېدو خبرې وکړې.
او د اګسټ لومړیو کې کابل ته له روسیې تللي سوداګریز پلاوي د طالبانو د سوداګرۍ او صنعت وزارت له چارواکو سره د برېښنا، کرنې او ټولګټو برخو کې پانګونې ته چمتووالی وښود.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د الګ کاندي یوویچ په مشرۍ روسي پلاوي ویلي وو چې روسان د افغانستان مېوو او تولیداتو ته لومړیتوب ورکوي او د سووداګریزو اسانتیاوو رامنځ ته کېدو لپاره یې د یوې ګډې سوداګریزې استازولۍ د جوړېدو پر اړتیا ټینګار وکړ.
د افغانستان د ځینو ګاونډیو هېوادونو سربېره، ځینو عربي هېوادونو هم له افغانستان سره د سوداګریزې راکړې ورکړې لپاره. لېوالتیا ښودلې ده.
څه موده وړاندې د اردن یو سوداګر افغانستان ته د سفر پرمهال په دې هېواد کې پانګونې ته لېوالتیا ښودلې وه او غوښتل یې چې د افغانستان وچې مېوې او معدني توکي اردن ته صادر کړي.
