تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
روژه میاشت کې ولې خوږو شیانو ته اشتها ډېرېږي؟
ایا روژه میاشت کې ډېر خواږه خورئ؟ ایا پام مو شوی چې د خوړلو پرمهال مو اشتها لا ډېره شوې ده؟ ښايي دا او دې ته ورته نورې پوښتنې مو د روژهماتي په رانژدې کېدو ذهن کې وچورلېږي.
په روژه کې ډېر کم روژهتیان د بېلابېلو خوړو سربېره له خوږو شیانو پرهېز کولی شي.
ډېری روژهتیان ځینې وخت په روژه کې د خوږو خوړلو کې "افراط" کوي.
بي بي سي ته د خوړو یوې متخصصې ریم عبد للات وویل: "ستونزه د خوراک په طریقه کې ده، مثلا کله چې یو روژهتی د روژهماتي پرمهال ډېرې خورماوې وخوري په دې معنا چې خورا ساده خواږه لري چې په دې سره یې په وینه کې د انسولین کچه لوړېږي، پایله یې دا شي چې نور خوراک په تېره خوږو شیانو ته یې اشتها ډېره شي".
دا زیاتوي: "تېروتنه په دې کې ده چې ډېری روژهتیان روژهماتی په درېیو تر پنځو خورماوو پیلوي بیا د روژې لپاره داسې ځانګړی جوس نوش جان کړي چې ډېر خواږه پکې ګډ شوي وي.
همدا ده چې بنکریاس د تر پیشلمي لپاره انسولین ماده افرازوي او ډېر څښل یې د وزن د زیاتېدو لامل ګرځي".
"بدن د لوږې او تندې ترمنځ توپیر نه کوي"
د خوړو متخصصه ریم زیاتوي: "غوره دا ده چې روژهتیان په یوه دانه خورما روژه ماته کړي او بیا پروټین لرونکي خواړه وخوري لکه چرګ، کب نوره غوښه او ان یوه پیاله شیدې، ځکه چې د ساده خوږو او پروتین یوځای کول په وینه کې د انسولین د کچې لوړېدو لامل نه کېږي او د مړښت احساس زیاتوي، ځکه نو خوږو شیانو ته د روژهتي اشتها په ښکاره ډول کمېږي".
العبدللات وايي، یو ډول معلومات دي چې خلک هېڅ ری پکې نه وي، هغه دا چې "بدن عملاً د لوږې او تندې ترمنځ توپیر نه کوي، ډېر کله اوبو ته د بدن اړتیا وي او انسان فکر کوي چې ګنې خوږو شیانو ته یې اشتها شوې ده، نو په دې صورت کې د روژهماتي پروخت باید په کافي اندازه اوبه وڅښل شي چې په دې سره خوږو شیانو ته اشتها کموي".
د خوړو متخصصین هم وايي، چې په کافي اندازه اوبه څښل بدن مرطوب ساتي او له وچوالي یې ژغوري.
د خوړو متخصصین وايي، په وینه کې د خوږو د کچې کمښت روژهتی دې ته اړباسي چې په لېوالتیا خواږه وغواړي ځکه چې د لاسه وتلې چټکې انرژۍ سرچینه یې ګڼي، همدا ده چې هر روژهماتی په خورما پیلېږي."
روانپوهې رشا بواعنه بيبيسي ته وویل، "د خوږو خوړل زموږ د خوشحالۍ له احساس سره تړلي، خواږه خوړل د سیروتونین په نامه هورمون فعالوي چې د خوښۍ، هوساینې او رضایت مسؤلیت لري".
