تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کرېکټ: افغانستان شري لنکا ته په ۶۰ منډو ماته ورکړه
د افغانستان او شري لنکا تر منځ د دريو يو ورځنيو لوبو د لړۍ لومړۍ لوبه کې افغان لوبډلې شري لنکا ته په ۶۰ منډو ماته ورکړه.
دغه سيالي چې د شري لنکا په پاليکلي کړېکټ لوبغالي کې ترسره کېږي، افغانستان د پچې له ګټلو سره د منډو جوړولو پرېکړه وکړه.
افغان لوبډلې په ټاکلو پنځوسو اورونو کې د اتو لوبغاړو په سوځېدو سره د ۲۹۵ منډو هدف وټاکه چې شري لنکا ونشوی کړی پوره يې کړي او ټوله لوبډله يې په ۲۳۴ منډو وسوځېده.
د افغانستان لپاره ابراهيم ځدارڼ تر ټولو ډېرې ۱۰۶ منډې وکړې او له دې سره غوره لوبغاړی ونومول شو. د ده تر څنګ رحمان الله ګوربز ۵۳، رحمت شاه ۵۲، نجيب الله ځدراڼ ۴۲ او ګلبدين نايب ۲۲ منډې وکړې.
د شري لنکا لپاره ويندو هسرنګا دوې، کسون رجيت، رېنجيا لکشن، لهيرو کومارا او مهېشتکشنا هر يوه يو یو لوبغاړی وسوځاوه.
په توپ اچونه کې د افغانستان فضل الحق فاروقي څلور، ګلبدين نايب درې، يمن احمدزي دوه او راشد خان يولوبغاړی وسوځاوه
د دغو لوبو د چمتووالي لپاره افغان لوبډلې په متحده عرب اماراتو کې تمريناتي لوبې هم ترسره کړې.
په نننۍ لوبه کې د افغانستان له لوري رحمن الله ګوربز، ابراهیم ځدراڼ، رحمت شاه زرمتی، حشمت الله شهیدي، محمد نبي، نجیب الله ځدراڼ، ګلبدین نایب، راشد خان، مجیب الرحمن او فضل الحق فاروقي لوبېږي.
د افغانستان کرېکټ بورډ وايي د ۲۰۲۳ نړيوال جام سياليو ته د لارموندنې په موخه دغه لوبې خورا مهمې دي. د افغانستان کرېکټ بورډ احرائيوي رئيس نصيب خان وايي افغان لوبډله بايد په دې سياليو کې وځلېږي او د ده په وينا موږ په خپلو لوبغاړو باور لرو او هيله من يم چې دوی به وځلېږي.
افغان لوبډلې د ۲۰۲۳ نړیوال جام لپاره د سوپر لیګ سیالی کې تر اوسه څلور لوبلړۍ کړې چې له ۱۲ سیالیو یې ۱۰ ګټلې دي او اوس په جدول کې په اووم نمبر ځای لري.
