عبدالصمد روحاني له لښکرگاه څخه

	هلمندي زده كوونكي وايي چې له ښوونځيو څخه ترفارغېدو وروسته دهېواد په پوهنتونو كې د لوړو زدكړو چانس نه مومي .

هلمندي زده كوونكي وايي چې له ښوونځيو څخه ترفارغېدو وروسته د هېواد په پوهنتونو كې د لوړو زدكړو چانس نه مومي .

د ځوانانو ترڅنګ ګڼې هلمندۍ زده كوونكې وايي چې له ښوونځي څخه ترفارغېدو وروسته دكورنۍ لخوا اجازه نه وركول كېږي چې په نورو ولايتونو كې لوړې زدكړې وكړي .

كه څه هم په هلمندولايت كې تېركال د چارواكو لخوا دپوهنتون د جوړېدوخبره شوې وه، خو تراوسه يې د جوړېدو هېڅ كار نه دى پيل شوى .

په هلمندولايت كې د پوهنتون د جوړېدو خبر تېركال دحكومتي چارواكو لخوا وركړل شوى و، خو تراوسه يې يوازې يوه لوحه دكندهار هلمندپرلويه لاره ولاړه ترسترګوكېږي چې بٌست پوهنتون ورباندې ليكلى دى .

دهلمندپخواني والي اسدالله وفا په هلمندولايت كې دپوهنتون جوړول دخپل لومړنيو كارونو څخه بللي و، خو ددندې ترپايه پورې ونه توانېد، چې هلمندوال دپوهنتون خاوندان كړي .

د هلمند ډېرى ځوانان وايي چې له ښوونځي څخه ترفارغېدو وروسته د هېواد په پوهنتونونو كې په ډېركم شمېركې هلمندي ځوانان منل كيږي او ډېر نور يې د لوړو زدكړو څخه پاتې كيږي .

ددې ترڅنګ ډېرى هلمندۍ نجوني وايي چې څوكلونه وړاندې يې تر ١٢ ټولګي خپلې زده کړې پاى ته رسولي ، خو د لوړو زدكړو چانس يې تراوسه نه دى موندلى .

دوى وايي چې دكورنيو د مشرانو لخوا اجازه نه وركول كيږي چې په نورو ولايتونو كې لوړې زدكړې وكړي .

يوهلمندى ځوان شريف الله دوست وايي چې په هلمندولايت كې ډېرى ځوانان له كلونو څخه دهېواد دلوړوزدكړو موسسو ته مراجعه كوي، خوبريالي كيږي نه چې دغه كار د ډېروځوانانو زړونه مات كړي دي .

ځينې نور هلمندي ځوانان هم وايي چې څوكلونه وړاندې له ښوونځي څخه فارغه شوې خو تراوسه په پوهنتون كې نه دي منل شوي .

د هلمندچارواكي وايي چې په دې اړه يې پلازمېنې كابل ته يو پلاوى لېږلى چې د پوهنتون د جوړېدا د لګښت پيسې ترلاسه كړي .

د هلمند سرپرست والي سيدامان الله سادات وويل چې كله له مركز څخه پيسې ترلاسه شوې، نوسملاسي به د هلمند پوهنتون كار پيل شي .

يوشمېركارپوهان په دې اند دي كه په هلمندولايت كې پوهنتون جوړشي نوددغه ولايت خلك به د ښوونې په ارزښت پوه شي اودغه كار به په هلمندولايت كې دپوهې پروړاندې پرتې ستونزې ليرې كړي .