عبدالصمد روحاني له لښکرگاه څخه

	هندوان وايي چې كوچنيان يي د مسلمانانو په ښوونځيو كې زدكړې نشي كولاى، ځكه چې د مسلمانانو كوچنيان يې زهيروي اوهغوى زدكړې ته نه پرېږدي .

دوى وايي چې خپل كوچنيان د مسلمانو كوچنيانو د ناسم چلند له كبله ښوونځيوته نشي لېږلاى .

د هلمند د پوهنې رياست چارواكي وايي چې د هلمند مېشتو سهكانو او هندوانو ستونزې يې پلازمېنې كابل ته لېږلې دي .

په هلمندولايت كې په لسګونو كورنۍ هندوان اوسكهان مېشت دي، چې ټول يې له حكومت څخه په خپله ژبه د ښوونځيوغوښتنه كوي .

په هلمندولايت كې په لسګونو كورنۍ مېشت هندوان اوسكهان وايي چې كه حكومت يې ماشومانوته په مورنۍ ژبه ښوونځي جوړنه كړي نوټول كوچنيان به يي بې زدكړې پاتې شي .

هندوان وايي چې كوچنيان يي د مسلمانانو په ښوونځيو كې زدكړې نشي كولاى، ځكه چې د مسلمانانو كوچنيان يې زهيروي اوهغوى زدكړې ته نه پرېږدي .

هندوان اوسكهان وايي چې دافغانستان په اساسي قانون كې ټولو افغانانوته په خپله ژبه د زدكړې حق وركړل شوى دى، خو دوى تراوسه له خپل دغه حق څخه بې برخې پاتې دي .

هندوان وايي كه دولت ورته ښوونځي جوړ كړي نو ښوونكي اوتعلمي نصاب به يې دوى په خپله برابركړي .

د هلمند د پوهنې رياست مرستيال سيف الملوك نوري د هندوانو اوسكهانو دغه غوښتنه پرځاى بولي .

هغه وايي چې ددوى دغه غوښتنې يې د ښوونې وزارت ته لېږلې او كله چې دهغوى لخوا امر وركړل شي نو د هندوانو دغه غوښتنې ته به مثبت ځواب ووايي .

په هلمندولايت كې شاوخوا دوه سوه كورنۍ هندوان اوسكهان اوسېږي، دوى د پخواني پاچا محمدظاهر شاه په وخت كې د افغانستان سوېلي ولايتونو او په ځانگړي ډول هلمندولايت ته راغلي وو .

دوى وايي چې د ښوونځيو ترڅنګ، د خپلو مذهبي مراسمو لپاره هم دځاى د نشتوالى له ستونزې سره مخامخ دي .