تر اوسه په افغانستان کې پنځه مخابراتي شرکتونه په کار بوخت دي .

د گرځنده ټيليفونو د ستنو د سوځولو لړۍ له هغه وروسته پيل شوه چې طالبانو ورته د شپې لخوا د فعاليتونو د درولو گواښ کړى وو.

په همدې حال کې د افغانستان د مخابراتو او معلوماتي ټيکنالوژۍ وزارت چارواکي وايي چې دا چاره حکومت ته نه بلکې ولسي وگړو ته زيان اړوي.

په کندهار کې د پوليسو يوه چارواکي، چې له نامه اخيستلو يې ډډه کړې، ويلي چې د روشن دغه مخابراتي پايې د کندهار په اوومه برخه کې ويشتل شوې دي .

تر دې وړاندې د کندهار په ځينو ولسواليو کې هم د گرځنده ټيليفونو ستنې سوځول شوې دي.

يوه ورځ وړاندې هم ددغه ولايت په ژېړۍ ولسوالۍ کې وسله والو کسانو د اريبا مخابراتي شرکت يوه پايه له منځه وړې وه .

بل پلو دوې ورځې مخکې هم د کندهار ولايت د ميوند په ولسوالۍ کې د روشن مخابراتي شرکت درې پايې ويشتل شوې وې .

طالبان وايي د شپې مهال له گرځنده تلېفونونو څخه د طالبانو پرضد امريکايانو ته جاسوسي کېږي .

طالبانو دا خبردارى هم ورکړى که چېرې په افغانستان کې د شپې له خوا مخابراتي شرکتونه خپل فعاليت جاري وساتي، نو دوى به يې نمايندگۍ او پايې تر بريدونولاندې راولي .

تر اوسه په افغانستان کې پنځه مخابراتي شرکتونه په کار بوخت دي .