عبدالصمد روحاني لښکرگاه څخه

	ظاهراً ددغو عملياتو موخه دكجكي ولسوالۍ د برېښنا د بند د بيارغونې هغې پروژې ته لاره هوارول بلل كېږي، چې دچارواكو پر وينا په پلي كېدو سره به يې د هلمندترڅنګ ګڼ ولايتونه له برېښنا څخه برخمن شي .

په سيمه کې د ناټو ځواکونو يوه وياند وويل چې په دغو عملياتو كې ګڼ شمېر وسله وال طالبان وژل شوي خو د دقيقو تلفاتو په اړه يې څه ونه ويل .

بل پلو ددغه ولايت په سنګين ولسوالۍ كې دماين په يوه چاودنه كې د ناټو يو سرتېرى ټپي شوى دى .

دسايمن مېلر په نوم د ناټو دغه وياند وويل چې عمليات دكجكي ولسوالۍ په ده بابا سيمه كې شوي دي .

دغه وياند زياتوي چې دكجكي په ځينو سيمو كې له كندهار ولايت څخه هم دناټو ځواكونه د عملياتو لپاره راغلي دي .

هغۀددغو عملياتو موخه د سله والو طالبانو ځپل وبلل .

وسله وال طالبان په كجكي ولسوالۍ خپل ځانونه زيان نه مني .

د طالبانو وياندقاري يوسف احمدي چې له نامعلوم ځاىڅخه له بي بي سي سره غږېده، وويل له كجكي سره گاونډ په سنګين په ولسوالۍ كې د نړيوالو ځواكونو ددو ګاډو د ويجاړېدو او په هغه كې دلسو سرتېرو د وژل كېدو ادعا وكړه .

خو د ناټو وياند وويل چې پريوه موټر يي دسړك دغاړې ښخ شوى ماين چاودېدلى اويو سرتېرى يې سربېرن ټپي كړى دى .

دكجكي ولسوالۍ ځايي خلك وايي چې د ولسوالۍ دده بابا او اذان ناوې پرسيمو يې نړيوال سرتېري راګرځېدلي دي .
په هلمند ولايت کې ځايي چارواكي ددغو عملياتو په اړه ناخبري ښيي .

د هلمندامنيه قوماندان مل پاسوال محمدحسين انډيوال بي بي سي ته وويل چې په دغو عملياتو كې پوليس ونډه نه لري نوځكه دى ورباندې نه دى خبر .

ظاهراً ددغو عملياتو موخه دكجكي ولسوالۍ د برېښنا د بند د بيارغونې هغې پروژې ته لاره هوارول بلل كېږي، چې دچارواكو پر وينا په پلي كېدو سره به يې د هلمندترڅنګ ګڼ ولايتونه له برېښنا څخه برخمن شي .

دغه پروژه چې يو سل اتيا ميليونه ډالره ورته ځانګړي شوي دي، تېركال يې د پيلېدو اعلان شوى و خو لاتراوسه د چارواكو پر وينا د امنيت د نشتوالي له كبله نه ده پيل شوې .