جعفرهاند له کابله

	دمگړۍ په دغو شخصي پوهنتونونو کې تر ٥ زرو ډېر زده کوونکي په خپلو شخصي امکاناتو زده کړې کوي.

د چارواکو پر وينا دمگړۍ په دغو شخصي پوهنتونونو کې تر ٥ زرو ډېر زده کوونکي په خپلو شخصي امکاناتو زده کړې کوي.

د دغو پوهنتونونو او موسسو ډېر هغه يې په کابل ښار کې فعاليت کوي.

په افغانستان کې د طالبانو رژيم تر نسکورېدود ښوونې او روزنې او لوړو زده کړو په برخه کې ډېرې هيلې راوټوکېدې.

افغان حکومت هم د ښوونې روزنې او لوړو زده کړو د کچې د لوړوالي ټټر وډباوه.

په افغانستان کې د ښوونې او روزنې او لوړو زده کړو د کچې د لوړوالي ژمنې ډېر کورني او بهرني پانگوال په دغه برخه کې پانگونې ته وهڅول.

د چارواکو پر وينا اوسمهال په افغانستان کې د لوړو زده کړو په برخه کې ميليونونه ډالره پانگونه شوې ده، چې ډېرو پانگوالو خپلې پانگې د لوړو زده کړو د پوهنتونونو او تعليمي موسسو په جوړولو کې په کار اچولې دي .

څلور زره زده کوونکي  اوسمهال دغه پوهنتون شاوخوا ٤ سوه زده کوونکي لري چې، دهر زده کوونکي مياشتنى فيس ٤٠٠ امريکاي ډالره دى. چارواکي

دمگړۍ په افغانستان کې د امريکا افغان په نوم يو پوهنتون او د (کارډان ،خراسان ،اريانا، باختر، ميوند او محمدجلال الدين بلخي) په نومونو دلوړو زده کړو شپږ عالي خصوصي موسسې فعاليت کوي .

د چارواکو پر وينا دغه پوهنتونونه بيلابيلې څانگي لري چې، په کې د ٥ زرو په شاوخوا کې زده کوونکي پر زده کړو بوخت دي.

د دغو پوهنتونونو چارواکي ادعا کوي چې،د ځينو اروپايي او امريکايي پوهنتونو سره ښوونيز اړيکي هم لري او ډېرى ښوونکي يې هم بهرنيان دي .

په کابل کې د امريکا افغان په نوم پوهنتون چې په دې وروستيو کلونو کې يې فعاليت پيل کړى د معلوماتي ټکنالوزۍ،ادارې او عمومي مطالعاتو پوهنځي لري.

اوسمهال دغه پوهنتون شاوخوا ٤ سوه زده کوونکي لري چې، دهر زده کوونکي مياشتنى فيس ٤٠٠ امريکاي ډالره دى.

دامريکا افغان پوهنتون يوتن چارواکى محمد شريف فايز ادعا کوي چې، ښوونيز نصاب يې د ځينو مشهورو امريکايي پوهنتونو سره ورته والى لري او ډېرى ښوونکي يې هم بهرنيان دي چې، په وينايې له همدې امله له زده کوونکو لوړ فيس اخلي.

دى وايي:'' زموږ هغه زده کوونکي چې سکالرشيپ او تخفيف ونه لري په يوه کال کې شاوخوا ٥٠٠٠ امريکايي ډالره فيس ورکوي. خو زموږ ډېر زده کوونکي سکالرشيپ او تخفيف لري.''

ددوولسموټولگيو شاوخوا١٠٠زره فارغان  څه موده وړاندې د افغانستان د لوړو زده کړو وزارت چارواکو اعلان وکړ چې، د کانکور په سږني ازموينې کې به د دوولسمو ټولکيو لږترلږه ١٠٠ زره فارغ زده کوونکي برخه واخلي، چې له دوى څخه به يې شاوخوا ٣٠ زره پوهنتونونو ته لاره وکړي. د لوړو زده کړوو وزارت

د کاردان په نوم د لوړو زده کړو موسسه چې،له دوو کالو راهيسې په کابل ښار کې فعاليت کوي، د ادارې، اقتصاد او ساينسي علومو پوهنځيو کې تر زرو ډېر زده کوونکي لري .

د کاردان د تعليمي موسسې چارواکي وايي هيله مند دي خپل ښوونيز نصاب د امريکا د پريسټن په نوم پوهنتون له نصاب سره يو کړى.

د دغې موسسې مرستيال ذبيح الله شريفي پر وينا، ډېرى استادان يې بهرنيان دي چې، د دوکتورا او ماسټرۍ تر کچې زده کړې لري.

د ښاغلي شريفي پر وينا دوى هڅه کوي چې،په راتلونکې کې د ماسټرۍ پوهنځې هم پرانيزي.
د اريانا په نوم د لوړو زده کړې يوې بلې موسسې چې، دننگرهار په جلال اباد ښار کې په فعاليت پيل کړى لومړى هغه ده چې، د اقتصاد او سياسي علومو د پوهنځيو ترڅنگ د طب او انجنيرۍ پوهنځي لري .

دچارواکو پر وينا دغه پوهنتون يو شمېر ماسټرې ښځينه ښوونکې هم لري.

دهغه په باور خصوصي موسسي له کانکور څخه پاتې شوو زده کوونکو ته د لوړو زده کړو د پر مخ بيولو ښه زمينه برابره کړې ده.

سره له دې چې اوسمهال په افغانستان کې د ٢٠ په شاوخوا کې حکومتي پوهنتونونه شتون لري چې، په زرگونو افغانان په کې په بېلابېلو څانگو کې په زده کړو بوخت دي، خو په دغه هېواد کې د لوړو زده کړو د خصوصي موسسو او پوهنتونو جوړلو ته د لوړو زده کړو په برخه کې د يو ښه گام په سترگه کتل کېږي.

څه موده وړاندې د افغانستان د لوړو زده کړو وزارت چارواکو اعلان وکړ چې، د کانکور په سږني ازموينې کې به د دوولسمو ټولکيو لږترلږه ١٠٠ زره فارغ زده کوونکي برخه واخلي، چې له دوى څخه به يې شاوخوا ٣٠ زره پوهنتونونو ته لاره وکړي.

خو له دې سره بيا هم د دوولسمو ټولگيو د فارغانو په شمېر کې هرکال زياتوالى راځي .