الياس وحدت له خوست

	په دې ښونځي نجونو هم زده کړې کولې چې طالبانو يې د واکمنۍ پر مهال پرې بنديز لگولى وو

د خوست د پوهنې ريس وايي د راكټ دلګيدو له امله يو ټولګى، دوه جنراټرونه او د ودانۍ ٨٠ په سلو كې ښيښې له منځه تللي دي.

ياده شوې لېسه نږدې شپږ زره زده كوونكي او په ورڅېرمه كليو كې د نجونو لسګونه څانګې لري او په دې وروستيو كلونو كې يوه لويه دوه پوړيزه وداني هم ورته جوړه شوې ده.
خو دا دويم وسله وال بريد دى چې د نوموړې ليسې وداني په نښه كوي.

په دې ښونځي نجونو هم زده کړې کولې چې طالبانو يې د واکمنۍ پر مهال پرې بنديز لگولى وو

سهار په راختو ؤ چې د صبريو ولسوالۍ د يعقوبيو په سيمه كې د يوې درنې چاودنې غږ واوريدل شو.

څو ساعته وروسته طالب وياند ذبيح الله مجاهد وويل چې دا كار دوى كړى او ادعا يې وكړه چې د ناټو د ځواكونو په يو موټر كې يې ټولوناستو سرتېرو ته مرګ ژوبله اړولې ده .
په سوېل ختيځو ولايتونو كې د ناټو مطبوعاتي دفتر په خپلو ځواكونو پسې د بمي چاودنې خبر رد كړ.

خو د ٢٠٣ تندر قول اردو وياند مستك ځاځى وايي چې دا بريد د ملي اردو پر يو موټر شوى چې د ده په خبره چاته يې زيان نه دى اړولى.

ده وويل درې تنه سيمه ييز اوسيدونكي يې ددې بريد په تور نيولي دي .

صبري د خوست هغه سيمه ده چې له تېرې يوې اوونۍ راهيسې افغان او ناټو ځواكونو پوځي عمليات پكې پيل كړي، او له ٢٠ زيات كسان يې د وسله والو طالبانو په نوم نيولي.

خو ځايي اوسيدونكي وايي چې نيول شوي د سيمې عام او عادي خلك دي.

بل خوا