 | | | | | | | |||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||
|
د هلمند ځانمرگي اوه کسان وژلي | ||||||||||||||||||||||||||||||||||||||||||||||||||||||||||||||||||||||||||||
د هلمند په نادعلي ولسوالۍ کې يوۀ ځانمرگي بريد اوه کسان وژلي، چې څلور يې پوليس او درې يې ولسي خلک دي. په کابل کې د کورنيو چارو د وزارت وياند زمري بشري بي بي سي ته وويل يوۀ سړي چې پر ځان پورې يې چاودېدونکي توکي تړلي ول، ځان د نادعلي ولسوالۍ د پوليسو د مرکز مخې ته والوزاوه. دى وايي نن (دوشنبه) د ١١:٣٠ بجو په دغه بريد کې د څلورو پوليسو او دريو ولسي خلکو د وژل کېدو سربېره، شپږ تنه نور ټپيان شوي هم دي. بشري وويل ځانمرگي بريد کوونکي غوښتل چې د پوليسو ودانۍ ته ننوځي، خو له وارخطايۍ څخه يې ځان د ودانۍ مخې ته الوځولى. د ټپيانو حالت نورمال ښوول شوى دى. هلمند په افغانستان کې تر ټولو نارام ولايت دى، چې ځانمرگي بريدونه، جگړې او نښتې پکې ورځنۍ خبرې دي. | ورسره تړلي نور خبرونه  په گرشک کې ځانمرگي ٢٦ ووژل10 سپتمبر, 2007 | افغانستان 'د هلمند بمبارۍ طالبان وژلي، نه ولسي خلک'04 اگست, 2007 | افغانستان په هلمند کې نښتې شوې29 جولاى, 2007 | افغانستان | ||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||
