حنان حبيبزى له کابله

	جگړه د کندهار د شاولي کوټ په ولسوالۍ کې وشوه چې دڅو مياشتو راهيسې د جنگ جگړو ډگر گرځيدلې ده .

جگړه د کندهار د شاولي کوټ په ولسوالۍ کې وشوه چې دڅو مياشتو راهيسې د جنگ جگړو ډگر گرځيدلې ده .

د امريکا پوځ وايي چې د تيرو لسو ورځو راهيسې گډو ځواکونو دغلته نژدې ٢٠٠ تنه ياغيان وژلي دي .

وينا وايي چې شاوخوا لس تنو اورپکو د شاولي کوټ ولسوالۍ د الکوزي کلي ته څيرمه د افغان او نړيوالو ځواکونو پر گزمې ډزې وکړې او وروسته يې بياد ١٥٠جنگياليو له لارې ځان پياوړى کړ .

د ايتلافي ځواکونه وايي چې دوى بيا د کوچنيو وسلو په کارولو سره د بريد ځواب ورکړ او دټلوالې پرهوايي ځواک يې غږ وکړ چې داورپکو مورچه پررهبري شوې وسلې ويجاړه کړي .

وينا وايي چې همدلته له څلويښتو څخه ډير طالب جنگيالي ووژل شول اودا چې ايتلافي ځواکونو ته هيڅ زيان نه دى اوښتى .

خو ددې لپاره چې د جگړې سيمه ډيره ليرې پرته ده ، دا ډيره سخته ده چې په خپلواک ډول ددغې پيښې پخلى وشي .

د طالبانو او ايتلافي ځواکونو ترمنځ نښتې د تيرو څو اونيو راهيسې ډيرې شوي دي .

پوځي چارواکي وايي چې د روان کال په لړ کې له ٤٠٠٠ څخه ډير کسان ددغو نښتو په ترڅ کې وژل شوي دي چې ډيرى يې طالبان دي .