د کرېکټ شل اوریز نړیوال جام لپاره افغان ملي لوبډله اعلان شوه
د عکس سرچینه، ACB
د افغانستان کرېکټ بورډ راتلونکې اکتوبر میاشت کې اسټرالیا کې د شل اوریز کرېکټ نړیوال جام سیالیو لپاره ملي لوبډله اعلان کړه.
دې لوبډله کې ټولټال پنځلس لوبغاړي شامل دي او محمد نبي به یې کپتان یا لوبډلمشر وي. د دوی ترڅنګ څلور احتیاطي لوبغاړي هم دې لوبډله کې اخیستل شوي دي.
په لوبډله کې محمد نبي، راشد خان حضرت الله ځاځی، رحمان الله ګربز، ابراهیم ځدراڼ، نجیب ځدراڼ، دروېش رسولي، عثمان غني، عصمت الله عمرزی، مجیب ځدراڼ، سلیم ساپی، فضل فاروقي، فرید احمد ملک، قیس احمد او نوین الحق شامل دي.
لیدل کېږي چې په دې لوبډله کې شپږ توپ وهونکي، درې آلرونډران او شپږ بالران توپ اچوونکي اخیستل شوي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
له رحمان الله ګربز پرته بل کوم بشپړ وېکټ کیپر لوبډله کې نشته، خو افسر ځاځی احتیاطي لوبغاړو کې اخیستل شوی دی.
احتیاطي لوبغاړو کې د افسر ځاځي ترڅنګ د لوبډلې پخوانی کپتان ګلبدین نایب، رحمت شاه او شرف الدین اشرف هم شامل دي.
د عکس سرچینه، ACB
د یادونې ده چې د شل اوریز کرېکټ نړیوال جام سیالۍ د راتلونکې اکتوبر میاشتې پر ۲۲مه نېټه پیلېږي او افغانستان به خپله لومړۍ لوبه کې له انګلنډ سره مخ کېږي.
افغانستان به خپل ګروپ کې د اسټرالیا او نیو زیلنډ په څېر لوبډلو سره هم لوبېږي، او دوه نورې لوبډلې به هم د غوراوي پړاو له سیالیو وروسته دې ګروپ ته ور شاملې شي.
تمه کېږي چې افغان ملي لوبډله به دې نړیوال جام ته د چمتوالي په ترڅ کې له متحده عربي اماراتو سره درې تمریناتيلوبې کوي، او وروسته به د نړیوال جام لپاره روزنیر کمپ هم لګول کېږي.
