تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
''د افغان حکومت پر لوړو پوسټونو د ښځو شمېر کم دی''
- Author, سید ولي ناصر
- دنده, بي بي سي
د افغانستان د اداري اصلاحاتو او ملکي خدمتونو خپلواک کمېسیون وايي، په دولتي ادارو کې ښځې تر ډېره په ټیټو یا منځنیو بستونو کې کار کوي او اړتیا ده چې د پرېکړو کولو او لوړو بستونو کې یې شتون زیات شي.
دغه کمېسیون وايي، په ۱۳۹۹ کال کې یې په دولتي ادارو کې د ښځو د ونډې زیاتولو پر پالیسۍ د څار پایلې ښيي چې لویې څارنوالۍ، د اداري اصلاحاتو او ملکي خدمتونو کمېسیون او لوړو زدکړو وزارت له دې اړخه لومړی، دویم او درېیم ځایونه خپل کړی دی.
د چارواکو په خبره، یاده پالیسۍ کې د ټاکل شويو شاخصونو له مخې، هیڅ دولتي ادارې سل په سلو کې معیارونه نه دي پوره کړي.
د افغانستان د اداري اصلاحاتو او ملکي خدمتونو کمېسیون وايي، په دولتي ادارو کې د ښځینه کارکوونکو شمېر زیاتولو پالیسۍ د اروزنې په پایله کې یې لویې څارنوالۍ لومړی ځای خپل کړی دی.
دغه کمېسیون په ۱۳۹۹ کال کې په دولتي ادارو کې د ښځو د ونډې زیاتولو پر پالیسۍ د څار پایلې خپرې کړي او ویلي یې دي، د یادې پالیسۍ د پلي کولو له اړخه د ۴۶ دولتي اداروپه ډله کې لویې څارنوالۍ، د اداري اصلاحاتو او ملکي خدمتونو کمېسیون او لوړو زدکړو وزارت لومړی، دویم او درېیم ځای خپل کړی دی.
د ملکي خدمتونو په ادارو کې د ښځینه کارکوونکو د ملاتړ برخې مشرې خجسته الهام بي بي سي ته وویل، یوې دولتي ادارې هم دې برخه کې بشپړې نومرې نه دي تر لاسه کړ.
د ملکي خدمتونو په ادارو کې د ښځو د ګډون زیاتوالي د پالیسۍ پر پلي کېدو څارنه د ۴۰ شاخصونو پر بنسټ شوې چې د پالیسۍ په اړه پوهاوی، د ښځو ګومارلو کې د ځانګړو امیتازونو په پام کې نیول، د وړتیاوو لوړول او په کاري چاپیریال کې د هغوی خوندیتوب یې عمده شاخصونه دي.
د افغان دولت د رسمي شمېرو له مخې، په دولتي ادارو کې شاخوا ۴۰۰ زره کسان په کار بوخت دي په ډله کې یې ۲۸ سلنه ښځې دي.
