عکسونه: د کندهار ښار شتمن په جوماتونو کې د روژه ماتې لګښت ورکوي

دې لپاره چې انټرنېټ مو لږ مصرف شي، یوازې متن ولولئ

دا عکسونه چې د کندهار ښار په یوه جومات کې اخیستل شوي د ډېرو نورو ورته روژه ماتو بېلګه ده. په کندهار کې د بي بي سي خبریال مامون درانی وايي دغلته شتمن په جوماتونو کې د روژه ماتې لګښت ورکوي او عام خلک کولی شي ورشي او همالته ډوډۍ وخوري.

کندهار
د عکس تشریح، په عام ډول د ډېرو خلکو د مړولو لپاره وریژې او قورمه پخېږي.
کندهار
د عکس تشریح، هغه چې د دېګ مسولین وي ډېری مهال د انصاف په پار په پای کې ډوډۍ خوري.
کندهار
د عکس تشریح، د دغه ښار په واټونو کې هم د ماښام د آذان پر مهال د روژماتې لپاره شربت او خرما تېریدونکو روژتیانو باندې وېشل کېږي.
کندهار
د عکس تشریح، دا کار په ډېرو جوماتونو کې کېږي، خو په نورو ځایونو کې سیمه ییز خلک له خپل کوره جومات ته خواړه وړي چې له نورو سره یې په شریکه وخوري چې پکې بې وزلي او مساپر هم وي.
کندهار
د عکس تشریح، کله کله تر ډوډۍ خوړونکو خدايي خدمتګاران ډېر وي چې نورو ته ډوډۍ او شربت ور رسوي.
کندهار
د عکس تشریح، د ماښام د آذان او د ډوډۍ د لومړۍ ګولې ترمنځ دعا د صبر او استدعا نښه بلل کېږي.
کندهار
د عکس تشریح، سربېره پر دې چې ډاکتران توصیه کوي چې د روژه ماتې پرمهال دې د یخو اوبو او شربتو له څښلو ډډه وشي، خو د روژه ماتې پر مهال ډېری خلک له یخو څښاکونو پرته پر بل څه فکر نشي کولی.
کندهار
د عکس تشریح، د ټولې ورځې د تندې په بدل کې، د شړمبو جګ پر سر اړول.
کندهار
د عکس تشریح، د روژه ماتې په څو لومړیو دقیقو کې ډېری خلک حیران وي چې خپله تنده ژر رفع کړي که لوږه.
کندهار
د عکس تشریح، ځینې مساپر او بې وزلي خلک د ښار له نورو برخو هغو جوماتونو ته ځان رسوي چې پکې شتمن عامو خلکو ته وړیا روژه ماتی برابروي.

.