تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
افغان ټاکنې: د پینځو نورو ولایتونو لومړنۍ پایلې اعلان شوې
د افغانستان د ټاکنو خپلواک کمیسیون د پنځو نورو ولایتونو د پارلماني ټاکنو ابتدایي پایلې اعلان کړې. هغه ولایتونه و چې تېره شپه یې ګټونکي کاندیدان اعلان شول.
د ټاکنو کمیسیون رییس عبدالبدیع صیاد د زابل، لغمان، پنجشیر، نیمروز او کاپیسا د ګټونکو کاندیدانو نومونه اعلان کړل او ویې ویل چې که څوک شکایت لري کولی شي د ټاکنیزو شکایتونو کمیسیون ته ورشي:
ښاغلی صیاد وايي، دا ابتدایي پایلې دي که کومه نیمګړتیا ولري بېرته تصحیح کېږي. څوک چې شکایت لري کولی شي د شکایتونو په کمیسیون کې خپل شکایتونه ثبت کړي.
ښاغلي صیاد وویل؛ په پنجشیر کې د څلورو محلونو او په لغمان کې د شپږو محلونو رایې بې اعتباره بېژندل شوي دي.
هغه همداراز وویل چې د ټاکنیزو شکایتونو کمیسیون دوه کارکوونکي د ځینو کاندیدانو په ګټه د درغلۍ په تور نیول شوي دي.
د ټاکنو کمیسیون د تېرې شپې له اعلان سره د هغو ولایتونو شمېر لسو ته ورسېده چې د پارلماني ټاکنو ابتدایي پایلې یې څرګندې شوي.
دغه کمیسیون تېره جمعه د پنځو ولایتونو دایکندی، فراه، ارزګان، جوزجان او بامیان ابتدایي پایلې اعلان کړې وې.
