تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
فاریاب: وسله والو دوه زیارتونه سوځولي
د افغانستان په شمالي ولایت جوزجان کې ځايي چارواکي وايي، اسلامي دولت ډلې یا داعش د نوموړي ولایت زراب ولسوالۍ په یو کلي کې دوه زیارتونه سوځولي دي.
چارواکو ویلي، دغه سیمه د روانې میاشتې لومړیو کې وسله والو نیولې.
خو داعش ډلې تر اوسه په دې اړه څه دې ویلي.
پېښه د سردرې په نوم کلي کې شوې، چې د چارواکو په خبره د دوستپاک او د خواجه اشکارا په نوم زیارتونو ته اور اچول شوی دی.
د سیمې چارواکي وايي، له سوځول شویو نه یو زیارت درې سوه او بل یې پنځ سوه کاله پخواني وو.
د جوزجان د درزاب ولسوال رحمت الله حشر وايي داعش ډلې لومړی د زیارتونو ډبرلیکونه ویجاړ او بیا یې د زیارتونه بیرغونو ته اور وراچولی دی.
د ښاغلي حشر په خبره وروسته له هغه چې داعش ډلې زیارتونه وسوځول د سیمې مشرانو او دیني عالمانږ مظاهره کړې او د داعش ډلې یاده کړنه یې د اسلامي اصولو خلاف بللې.
د درزاب ولسوال زیاتوي هغه سیمه چې زیارتونه په کې سوځول شوي دي دوې اونۍ مخکې داعش ډلې نیولې ده.
د ولسوال په خبره په سیمه کې د داعش له وسله والو سره یو شمېر ازبک جنګالي اورپکي هم لیدل شوي دي.
مخکې له دې هم د کابل له ګاونډي ولایت لوګر څخه داسې راپورونه ور کړل شول چې ګوکې داعش ډلې په دغه ولایت کې قبرونه او زیارتونه ویجاړ کړي دي.
