تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کډوال: چې پاکستانی پوځ له وزیرستان ونه وځي نه ستنېږو
د پکتیکا ولایت برمل ولسوالۍ ته له وزیرستان څخه راغلو کډوالو خپلو سیمو ته د نه ستنېدو پرېکړه کړې.
دوی وايي تر هغه چې د وزیرستان له ټولو سیمو پاکستاني پوځیان نه وي وتلي خپلو کورونو ته به ستانه نه شي.
د پکتیکا په برمل ولسوالۍ کې د شاوخوا اوو زرو کورنیو مشرانو ویلي، که هر څوک له دې پرېکړې سرغړونه وکړي نو پنځوس لکه پاکستانۍ روپۍ به ناغه کیږي او هم به یې کور سوځوي.
د پکتیکا والي والي الیاس وحدت وايي، خپلو مېنو ته ستنېدل او نه ستنېدل د وزیرستاني کډوالو خپله پرېکړه ده.
په وزیرستان کې د ضرب عضب په نوم د پوځي عملیاتو له پیل سره شاوخوا دوه سوه زره کډوال خوست او پکتیکا ته کډه شول.
د عملیاتو له ترسره کېدو وروسته له خوست ولایت څخه د مسودو قوم پرته د نورو کډوالو د وتلو لړۍ پیل شوې خو لا هم زرګونه نورې کورنۍ په خوست او پکتیکا کې پاتې دي
