له دې ځايه واورئ !

ښاپېرۍ بې خبري وښوده. مجيدتروم وواهه،پرده دار راغي او پرده يې کش کړه . دپردې ترشا يو پاړو ګر مارله ټوکرۍ را ايستلی او شپيلۍ يې ورته وهله .

پاړوګرد مجيدديوې پوښتنې په ځواب کې وويل: " مار دخزنده ګانو له ډلې څخه دی چې لاسونه او پښې نلري او په سينه کښيږي.

دوی په سينه کې دموجودو عضلاتو په وسيله لومړی ځان راټولوي اوبيا حرکت کوي."

ماشومان ويني چې مار نسواري او تور رنګ اوګردې سترګې لري ، ژبه يې نرۍ څوکه لري. پرده دار وويل چې ځينې ماران زهرلرونکي اوځينې بې زهرو وي .

وروسته پرده دار په جادويي هينداره کې يو ښامار ماشومانو ته په خبرو راووست. ښامار وويل: "موږ په مجموع کی په په دوو ډلو ديشل شوي يو.

يوه ډله په وچه اوبله په اوبو کې ژوند کوو. د سړې وينې لرونکي يو، ځکه په ژمي کې دديوالونو په درزونو ،دغرونو په سوړو او تر تيږو لاندې پټېږو.

	ماران دجوزا اوسرطان په مياشتو کې هګۍ اچو ي او دوه مياشتې وروسته يې بچي له هګيو راوځي

غوښې خوړونکي يو. حشرات ،کبان موږکان،چونګښې او ځينې نورخزندګان خورو.

دجوزا اوسرطان په مياشتو کې هګۍ اچو و ،وروسته له دوو مياشتو مو بچي له هګيو راوځي او دچينجيو په اندازه واړه وي."

دنري شمال په لګېدو پرده دار دوخت پوره کېدوته متوجه کيږي، پرده کش کوي او ماشومان هم خپلوکورونوته ځي.