ناجيه نجات

له دې ځايه واورئ!

ويل يو شى دى نه لمدېږي نه ماتېږي په رڼاکې درسره وی په تياره کې پناه کېږي.

غفار تر ډېر فکر وروسته وويل چې لښته ده خو ثريا يې ځواب غلط وباله په دې کې بنجاري راغی تر روغبړ وروسته له موضوع خبرشو.

بنجاري وويل چې دا ډول پوښتنې لږ څه فکر او دقت غواړي بيا بنجاري بېرته د سره چستان تکرارکړ. غفار د څو نورو شيانو نومونه واخيستل:

لکه لمر، ستوري. خو په پاى کې يې سم ځواب وويل چې (سيورى) دى بنجاري تر تائيد وروسته آفريني ورکړه.

نوريې د زردآلو زړي (مندکې) ماتولې او غوښتل يې چې ځان ته امېل ترې جوړ کړي. خيبر راغی او ورته يې وويل چې راځه په همدې زړو دڅلورو ضرب زباني وکړو.

نوريې ومنله او ديو بل په مرسته يې تر اوو پورې د څلورو ضرب زباني وويله. خو په (اتو) کې بنده شوه، په دې کې بنجاري راغی.

	بنجاري وويل که په (٢٨) زړي (٤) نور زړي چوو (٣٢) کېږي.

هغۀ وپوښتل چې (٧) څلور مو څو کېدل؟ نوريې وويل (٢٨) بنجاري وويل چې (٤) زړي نور پرې واچوه! نوريې وشميرل او ويې ويل چې (٣٢) کېږي.

خيبر څلور نور زړي هم پرې واچول اوڅرګنده شوه چې (٩) څلور مو (٣٦)کېږي او همداسې ترلسو پورې د څلورو ضرب زباني وويله.

وروسته له هغۀ ماشومان په گډه په لږو غلطيو چې بنجاري ورته ځاى په ځاى اصلاح کړل د څلورو ضرب زباني له يوه نه تر لسو پورې تکرارکړه.

بنجاري د هغوى د زده کړې ستاينه وکړه، خداي پاماني يې ورسره وکړه او خپرونه پاي ته ورسېده.